អង់គ្លេស ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា ការចុះបញ្ជីរថយន្តថ្មី បានធ្លាក់ចុះប្រហែល ២៤ភាគរយ កាលពីខែមុនបើធៀប នឹងខែមិថុនា ឆ្នាំ ២០២១ ដោយអ្នកបើកបរត្រូវរង់ចាំច្រើន ជាងមួយឆ្នាំសម្រាប់ម៉ូដែល មួយចំនួន ព្រោះកង្វះគ្រឿងបន្លាស់ ។
នេះបើយោងតាមសមាគម ក្រុមហ៊ុនផលិត និង ពាណិជ្ជករម៉ូតូ (SMMT)ថា ឧស្សាហកម្ម រថយន្តរបស់ចក្រភព អង់គ្លេស បានរងគ្រោះក្នុងខែមិថុនាដ៏អាក្រក់បំផុតសម្រាប់ ការលក់រថយន្តថ្មីចាប់តាំងពីឆ្នាំ ១៩៩៦ ។ ស្ថាប័នពាណិជ្ជកម្ម បាននិយាយថា ក្រុមហ៊ុនផលិតមានបញ្ហា ក្នុងការបំពេញការបញ្ជាទិញ ដោយសារតែកង្វះខាត ជាសកល នៃសារធាតុផ្សំ ។
បញ្ហាសង្វាក់ផ្គត់ផ្គង់ត្រូវ បានជំរុញដោយការកើនឡើង នៃតម្រូវការសម្រាប់ ផលិតផលប្រើប្រាស់ ដែលមាន បន្ទះឈីបកុំព្យូទ័រ និងការរំខានទាក់ទងនឹង ជំងឺរាតត្បាតនៃផលិតកម្ម ដូចជាការ ចាក់សោរ នៅក្នុងប្រទេសចិន ។ អ្នកបើកបរកំពុងប្រឈម នឹងការរង់ចាំច្រើនជាងមួយឆ្នាំ សម្រាប់ម៉ូដែលមួយចំនួន ។
ក្នុងអំឡុងឆមាសទីមួយនៃឆ្នាំ ២០២២ មានតែ រថយន្តថ្មីប្រហែល ៨00,000 គ្រឿងប៉ុណ្ណោះត្រូវបានលក់ ហើយធ្លាក់ចុះ ១២ភាគរយ បើប្រៀបធៀបនឹងរយៈពេលដូចគ្នា កាល ពីឆ្នាំមុន ចំពោះតួលេខ សម្រាប់ខែមិថុនាគឺ ១៤១,000 ។ នេះតំណាង ឲ្យការអនុវត្តខ្សោយបំផុតទីពីរ របស់ឧស្សាហកម្ម ចាប់ពីខែមករាដល់ខែមិថុនា ចាប់តាំងពីឆ្នាំ ១៩៩២ ៕
