អាមេរិក ៖ នេះបើយោងតាមការ ចេញផ្សាយពី គេហទំព័រឌៀលីម៉ែល បានប្រាប់ដឹងថា ពពកដ៏កម្របំផុត នៅលើផែនដីត្រូវបានគេប្រទះឃើញ ដោយអ្នកមើលមេឃ នៅតំបន់ភាគខាងលិច សហរដ្ឋអាមេរិក អឺរ៉ុប និងកាណាដា កាលពីចុងសប្តាហ៍ ជាការបង្ហាញដ៏រស់រវើក ដែលមិនធ្លាប់បានឃើញ ក្នុងរយៈពេលប្រហែល ១៥ឆ្នាំ ។
ពពកទាំងនេះត្រូវបានគេស្គាល់ថា គ្មានពន្លឺបែរជាបញ្ចេញពន្លឺពណ៌ខៀវ យ៉ាងអស្ចារ្យនៅលើមេឃ បន្ទាប់ពីព្រះអាទិត្យបានរំកិលចុះក្រោមផ្តេក។ ពពក Noctilucent (NLCs) បង្កើតបាននៅក្នុង Mesosphere មានរយៈកmjពស់ប្រហែល ៨០គីឡូម៉ែត្រធ្វើឲ្យវាខ្ពស់បំផុត នៅក្នុងបរិយាកាសរបស់ផែនដី ហើយពពកមានគ្រីស្តាល់ទឹកកកអាច មើលឃើញក្នុងពេលព្រលប់ នៅពេលព្រះអាទិត្យកំពុងរះពីជើងមេឃ ។
ការិយាល័យសេវាកម្មអាកាស ធាតុជាតិនៅទីក្រុង Seattle បានសរសេរនៅលើប្រព័ន្ធ ផ្សព្វផ្សាយសង្គម ដោយកត់សម្គាល់ថា ទាំងនេះគឺជាការបង្ហាញ ដ៏រស់រវើកបំផុតនៃពពកគ្មានខ្យល់ ត្រូវបានគេឃើញក្នុងប៉ុន្មានទសវត្សរ៍ មកហើយនៅតំបន់នេះ ។
ពពកជាធម្មតាបង្កើតនៅចុងនិទាឃរដូវ និងដើមរដូវក្តៅ នៅពេលបរិយាកាស ខាងក្រោមកាន់តែក្តៅ ។ លំហូរបរិយាកាសរុញខ្យល់ឡើងលើ បន្ទាប់មកពង្រីក និងត្រជាក់ ចំណែកចំហាយ ទឹកបានជាប់នៅក្នុងពពក បង្កកទៅជាគ្រីស្តាល់ទឹកកក និងបង្កើតជាធូលី អាចម៍ផ្កាយ ៕
