អាមេរិក៖នេះបើយោងតាមការចេញផ្សាយពីគេហទំព័រឌៀលីម៉ែលបានប្រាប់ឲ្យដឹងថា តារាសម្តែងអាមេរិកដ៏ល្បីល្បាញលំដាប់កំពូល នាង Jennifer Aniston បានគោរពវិញ្ញាណក្ខន្ធអ្នកជំនួយការកាមេរ៉ា The Morning Show គឺលោក Erik Gunnar Mortensen បន្ទាប់ពីលោក ស្លាប់ភ្លាមៗបន្ទាប់ពីបុកម៉ូតូលោក។
តារាស្រីវ័យ ៥៣ ឆ្នាំរូបនេះបានចូលទៅ Instagram Stories របស់នាងកាលពីថ្ងៃព្រហស្បតិ៍ដើម្បីគោរពដល់មិត្តរួមការងាររបស់នាងដែលនាងបានពិពណ៌នាថា មានជំនាញ និងឧស្សាហ៍ព្យាយាម។លោក Gunnar បានស្លាប់នៅអាយុ ៣៩ ឆ្នាំកាលពីថ្ងៃច័ន្ទក្នុងគ្រោះថ្នាក់ម៉ូតូនៅលើផ្លូវហាយវេ ៧៤នៅ រដ្ឋកាលីហ្វ័រញ៉ាស្ថិតនៅក្រោមការស៊ើបអង្កេតដោយប៉ូលីសផ្លូវកាលីហ្វ័រញ៉ា។
បើយោងតាមនាយកដ្ឋានតម្រួត Riverside County បាននិយាយថា លោកត្រូវបានគេដឹកយ៉ាងប្រញាប់ប្រញាល់ទៅកាន់មជ្ឈមណ្ឌលវេជ្ជសាស្ត្រ Hemet Global បន្ទាប់ពីឧប្បត្តិហេតុ ហើយបានស្លាប់ប្រហែលមួយម៉ោងក្រោយមកនៅម៉ោង ៧.៤៧ យប់ ។ សារទៅកាន់ Instagram កាលពីថ្ងៃព្រហស្បតិ៍ នាង Jennifer បានចែករម្លែកការសរសើរដ៏រំជួលចិត្តដល់ Gunnar នាងបានពណ៌នាថា ជា ពន្លឺភ្លឺមួយក្នុងកម្មវិធី The Morning Show ដែលនាងសម្តែងជា Alex Levy ៕ដោយ៖លី ភីលីព
