ATHENS ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា ប្រទេសក្រិច និងអារ៉ាប៊ីសាអូឌីត បានចុះហត្ថលេខាលើ កិច្ចព្រមព្រៀងមួយ ដើម្បីដាក់ខ្សែទិន្នន័យក្រោម សមុទ្រនឹងតភ្ជាប់អឺរ៉ុប ជាមួយអាស៊ី ហើយបានពិភាក្សា អំពីលទ្ធភាព នៃការភ្ជាប់បណ្តាញអគ្គិសនី របស់ពួកគេ ដើម្បីផ្គត់ផ្គង់ដល់អឺរ៉ុប ជាមួយនឹងថាមពលបៃតង ដែលមានតម្លៃថោក ។
ប្រទេសក្រិច និងអារ៉ាប៊ីសាអូឌីត បានព្រមព្រៀងគ្នា កាលពីខែឧសភា លើលក្ខខណ្ឌចម្បង នៃការបណ្តាក់ទុនរួមគ្នា បានគ្រោងទុកដើម្បីសាង សង់ខ្សែទិន្នន័យហៅថា “ច្រករបៀងទិន្នន័យខាងកើតទៅ Med” នឹងត្រូវបានបង្កើតឡើង ដោយ MENA HUB ជាកម្មសិទ្ធិរបស់ STC របស់ប្រទេសអារ៉ាប៊ីសាអូឌីត និងទូរគមនាគមន៍ក្រិក និងក្រុមហ៊ុនកម្មវិធីផ្កាយរណប TTSA ។
កិច្ចព្រមព្រៀងនេះ ត្រូវបានបញ្ចប់ក្នុងអំឡុង ពេលដំណើរទស្សនកិច្ច របស់ព្រះអង្គម្ចាស់ អារ៉ាប៊ីសាអូឌីត Mohammed bin Salman ទៅកាន់ទីក្រុង Athens ជារដ្ឋសមាជិកសហភាពអឺរ៉ុបលើកដំបូង ចាប់តាំងពីការសម្លាប់ អ្នកកាសែតអារ៉ាប៊ីសាអូឌីត Jamal Khashoggi កាលពីឆ្នាំ ២០១៨។
ដំណើរទស្សនកិច្ចផ្លូវការ ចុងក្រោយរបស់ព្រះអង្គម្ចាស់ Mohammed នៅខាងក្រៅមជ្ឈិមបូព៌ា គឺទៅកាន់ប្រទេសជប៉ុន កាលឆ្នាំ ២០១៩ សម្រាប់កិច្ចប្រជុំកំពូល G20 ។ ព្រះអង្គម្ចាស់ Mohammed បាននិយាយដោយអង្គុយក្បែរ Mitsotakis ថា ការភ្ជាប់បណ្តាញអគ្គិសនី យើងអាចផ្តល់ ឲ្យប្រទេសក្រិក និងអឺរ៉ុបនិរតី តាមរយៈប្រទេសក្រិក ជាមួយនឹងថាមពលកកើតឡើងវិញ ដែលមានតម្លៃថោកជាង ។
កិច្ចព្រមព្រៀងទ្វេភាគី ក៏ត្រូវបានចុះហត្ថលេខាផងដែរ នៅក្នុងវិស័យថាមពល និងកិច្ចសហប្រតិបត្តិការយោធា ក្នុងចំណោមប្រទេសដទៃទៀត។ Mitsotakis បានសាទរ ចំពោះដំណើរ ទស្សនកិច្ច របស់ព្រះអង្គម្ចាស់ Mohammed ថា ជាឱកាសមួយ ដើម្បីពិភាក្សាបន្ថែមទៀត អំពីការអភិវឌ្ឍន៍ក្នុងតំបន់ និងរបៀបពង្រឹង ទំនាក់ទំនងដ៏សំខាន់នេះ រវាងប្រទេសទាំង២ ដោយសង្កត់ធ្ងន់ជាពិសេស លើកិច្ចសហប្រតិបត្តិការ សេដ្ឋកិច្ច ។
Mitsotakis ស្ថិតក្នុងចំណោមមេដឹកនាំលោកខាងលិច ដែលបានទៅទស្សនាទីក្រុង Riyadh ចាប់តាំងពីការសម្លាប់ Khashoggi នៅឯស្ថានកុងស៊ុល អារ៉ាប៊ីសាអូឌីត ក្នុងទីក្រុងអ៊ីស្តង់ប៊ុល បានបង្កឲ្យមានការរិះគន់ នៅលោក ខាងលិច និងធ្វើឲ្យខូចមុខមាត់ព្រះអង្គម្ចាស់ ជាអ្នកកែទម្រង់ដែលជំរុញឲ្យបើកប្រទេស អារ៉ាប៊ីសាអូឌីត ជាប្រទេសនាំចេញប្រេងកំពូល របស់ពិភពលោក៕
