រដ្ឋកាលីហ្វ័រញ៉ា ៖ យោងតាមការចេញផ្សាយ ពីគេហទំព័រ ស្គាយញ៉ូវ បានប្រាប់ឲ្យដឹងថា ភ្លើងឆេះព្រៃ នៅរដ្ឋកាលីហ្វ័រញ៉ា និងម៉ុនតាណា បានឆាបឆេះពេញមួយយប់ ដែលបង្កឡើង ដោយអាកាសធាតុក្តៅ និងខ្យល់ខ្លាំង ព្រមទាំងគំរាមកំហែងដល់សង្កាត់នានា និងបង្ខំឲ្យមានការបញ្ជាជម្លៀស ប្រជាជនរស់នៅ តំបន់នោះចេញ ។
តំបន់ព្រៃជាតិ Klamath នៃរដ្ឋកាលីហ្វ័រញ៉ា ជាតំបន់ជនបទភាគច្រើន នៅជិតខ្សែបន្ទាត់រដ្ឋ Oregon ។ ភ្លើង McKinney កំពុងឆេះយ៉ាងលឿន បានឆាបឆេះត្រឹមតែជាង មួយប្រហែល ២.៥ គីឡូម៉ែត្រក្រឡា កាលពីថ្ងៃសុក្រ រហូតកាត់លើផ្ទៃដី ១៦០ គីឡូម៉ែត្រការ៉េ នៅថ្ងៃសៅរ៍ ។ អ្នកសង្កេតការណ៍បានប្រទះឃើញសត្វព្រៃដែលរត់ចេញ ពីតំបន់នោះថា ភ្លើងបានឆាបឆេះផ្ទះយ៉ាងតិចរាប់សិបខ្នង ។
អ្នកនាំពាក្យព្រៃឈើជាតិ Klamath លោកស្រី Caroline Quintanilla បានព្រមានថា ភ្លើងកំពុងបន្តកើនឡើង ជាមួយនឹងខ្យល់បក់ និងព្យុះផ្គររន្ទះនៅក្នុងតំបន់ ហើយយើងស្ថិតក្នុងសីតុណ្ហភាព៣ខ្ទង់ ។ យោងតាមសេវាព្រៃឈើ របស់សហរដ្ឋអាមេរិក បានឲ្យដឹងថា ជាមួយនឹងការព្យាករណ៍ពីរន្ទះ ក្នុងរយៈពេលប៉ុន្មានថ្ងៃខាងមុខនេះ ធនធានបន្ថែមពីកន្លែង ផ្សេងទៀត នៃរដ្ឋកំពុងត្រូវបាននាំយកមក ដើម្បីជួយប្រយុទ្ធប្រឆាំង នឹងភ្លើងឆេះក្នុងតំបន់ ។
អភិបាលរដ្ឋកាលីហ្វ័រញ៉ា លោក Gavin Newsom បានប្រកាសដាក់ប្រទេស ក្នុងភាពអាសន្នកាលពីថ្ងៃសៅរ៍ ខណៈភ្លើងបានកើនឡើង ធ្វើឲ្យលោកនូវភាពបត់បែនបន្ថែមទៀត ដើម្បីធ្វើការឆ្លើយតបសង្គ្រោះបន្ទាន់ និងការសម្រេចចិត្តលើកិច្ចខិត ខំប្រឹងប្រែងសង្គ្រោះ និងទទួលបានជំនួយពីសហព័ន្ធ ។
” នេះបើយោងតាមសេចក្តីថ្លែងការណ៍ ពីការិយាល័យ អភិបាលបានឲ្យដឹងថា វាក៏ធ្វើឲ្យធនធានពន្លត់អគ្គីភ័យ ពីរដ្ឋផ្សេងទៀត ដើម្បីជួយក្រុមនាវិករដ្ឋកាលីហ្វ័រញ៉ា ក្នុងការពន្លត់ភ្លើង ៕ដោយ៖លី ភីលីព
