ប្រេស៊ីល ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា គ្រូពេទ្យវះកាត់ បានចំណាយពេលជាច្រើនខែ នូវបច្ចេកទេសសាកល្បង ដោយប្រើការនិម្មិតពិត មុនពេលចាប់ផ្តើម នីតិវិធីពិតប្រាកដលើក្មេងប្រុស ជនជាតិប្រេស៊ីល អាយុ ៣ ឆ្នាំ។
កូនភ្លោះជាប់គ្នាដែលរួមផ្សំ ខួរក្បាលត្រូវបានបំបែក ដោយជោគជ័យ បន្ទាប់ពីប្រតិបត្តិការរយៈពេល ៣៣ ម៉ោង។ លោក Bernardo និងលោក Arthur Lima បានទទួលការវះកាត់ជាច្រើននៅទីក្រុង Rio de Janeiro ក្រោមការដឹកនាំរបស់គ្រូពេទ្យ វះកាត់កុមារមានមូលដ្ឋាន នៅចក្រភពអង់គ្លេស Noor ul Owase Jeelani ពីមន្ទីរពេទ្យ Great Ormond Street ទីក្រុងឡុងដ៍ ។
ក្មេងប្រុសអាយុ ៣ ឆ្នាំមានការវះកាត់សរុបចំនួន ៧ ដង ដោយចំណាយពេលប្រតិបត្តិការលើសពី ៣៣ ម៉ោង ក្នុងការវះកាត់២លើកចុងក្រោយតែម្នាក់ឯង ហើយបុគ្គលិកពេទ្យ ១00 នាក់បានចូលរួម។ គ្រូពេទ្យវះកាត់បានចំណាយ ពេលជាច្រើនខែនូវបច្ចេកទេស សាកល្បងដោយប្រើការពិតនិម្មិត មុនពេលចាប់ផ្តើមនីតិវិធីពិតប្រាកដ ។
ការវះកាត់របស់ពួកគេ ត្រូវបានដឹកនាំដោយលោក Jeelani រួមជាមួយលោកវេជ្ជបណ្ឌិត Gabriel Mufarrej ប្រធានផ្នែកវះកាត់កុមារ នៅ Instituto Estadual do Cerebro Paulo Niemeyer ។លោក Jeelani បានពណ៌នាអំពីប្រតិបត្តិការនេះថា ជាសមិទ្ធផលដ៏គួរឲ្យកត់សម្គាល់ ដោយក្រុមគ្រូពេទ្យ ប៉ុន្តែបានបន្ថែមថា អង្គការសប្បុរសធម៌ Gemini Untwined ពឹងផ្អែកលើការបរិច្ចាគជាសាធារណៈ ដើម្បីបន្តការងាររបស់ខ្លួន ។
លោកបាននិយាយថា ការបំបែកដោយជោគជ័យ របស់ Bernardo និង Arthur គឺជាសមិទ្ធិផលដ៏អស្ចារ្យមួយ ដោយក្រុមនៅទីក្រុង Rio និងជាឧទាហរណ៍ដ៏អស្ចារ្យ នៃមូលហេតុដែលការងារ របស់ Gemini Untwined មានតម្លៃដូច្នេះ៕ដោយ៖លី ភីលីព
