សេនហ្វ្រេនស៊ីស្កូ ៖ យោងតាមការចេញ ផ្សាយពីគេហទំព័រជប៉ុនធូដេ បានប្រាប់ឲ្យដឹងថា សម្ព័ន្ធមិត្តបច្ចេកវិទ្យាខ្ពស់ ដែលមានទ្រព្យសម្បត្តិ របស់លោក Elon Musk ហាក់បីដូចជាមិន សប្បាយចិត្ត ចំពោះការទទួលដីកាពី Twitter ជាផ្នែកមួយនៃការតស៊ូផ្លូវច្បាប់ របស់ក្រុមហ៊ុន ជាមួយនាយកប្រតិបត្តិ Tesla ។
យោងតាមរបាយការណ៍ពី The Washington Post បាននិយាយថា បណ្តាញសង្គម Twitter មានមូលដ្ឋាននៅសាន់ហ្វ្រាន់ស៊ីស្កូកំពុងប្តឹងលោក Musk នៅទីក្រុង Delaware ដើម្បីឲ្យលោកបញ្ចប់ការទិញ ក្រុមហ៊ុនប្រព័ន្ធផ្សព្វផ្សាយសង្គម ចំនួនទឹកប្រាក់ ៤៤ ពាន់លានដុល្លារ ជាកិច្ចព្រមព្រៀងដែលលោក Musk កំពុងព្យាយាមដកខ្លួនចេញ ។ ក្រុមអ្នកច្បាប់របស់ Twitter កាលពីថ្ងៃច័ន្ទបានស្នើសុំព័ត៌មាន អំពីអ្នកវិនិយោគ និងសហគ្រិនបច្ចេកវិទ្យា ជាច្រើនភ្ជាប់ជាមួយលោក Musk ចំពោះដីកាដ៏ទូលំទូលាយមួយ។ Twitter បានបដិសេធមិនធ្វើអត្ថាធិប្បាយទេ ។
យោងតាមកាសែត Post ថា ដីកានេះរួមមានសំណើយ៉ាងទូលំទូលាយ សម្រាប់ការទំនាក់ទំនង រួមមាន បញ្ជីត្រួតពិនិត្យ ពេលវេលា ការបង្ហាញ ការហៅទូរសព្ទរបស់អង្គការ ការប្រជុំ កំណត់ចំណាំ ការកត់ត្រា ទាក់ទងនឹងការផ្តល់ហិរញ្ញប្បទាន របស់កិច្ចព្រមព្រៀង ។
យោងតាមរបាយការណ៍បានឲ្យដឹងថា អ្នកបណ្តាក់ទុនល្បីឈ្មោះរួមបញ្ចូលនៅក្នុងដីកានេះ គឺលោក Marc Andreessen ស្ថាបនិកក្រុមហ៊ុន VC Andreessen Horowitz អតីតនាយកប្រតិបត្តិ Facebook និងជានាយកប្រតិបត្តិនៃ Social Capital Chamath Palihapitiya និង David Sacks ជាស្ថាបនិកនាយកប្រតិបត្តិនៃ PayPal និងជាដៃគូទូទៅបច្ចុប្បន្ននៅ Craft Ventures ។
Sacks បានបង្ហោះកាលពីថ្ងៃច័ន្ទនៅលើ Twitter ថា ព័ត៌មានដែលថា ខ្ញុំកំពុងត្រូវបានប្តឹងដោយមេធាវីរបស់ Twitter បានរំលឹកខ្ញុំអំពីបញ្ហាទស្សនាវដ្តី Mad ខ្ញុំមិនដឹងថាហេតុអ្វីទេ ។ លោកបានបញ្ចូលរូបថតមួយសន្លឹកនៃក្របទស្សនាវដ្ដីបង្ហាញដៃលើកម្រាមកណ្ដាល។ Joe Lonsdale ដៃគូទូទៅនៅ 8VC បានហៅដីការបស់ Twitter ផ្ញើទៅ “មិត្តភ័ក្តិនៅក្នុងប្រព័ន្ធអេកូឡូស៊ី” ជុំវិញ Musk, Andreessen និង Sacks ថាជា “បេសកកម្មនេសាទបៀតបៀនយក្ស”។
លោកបានសរសេរនៅលើ Twitter កាលពីថ្ងៃច័ន្ទថា ខ្ញុំមិនមានអ្វីដែលត្រូវធ្វើជាមួយនេះ ក្រៅពីការអត្ថាធិប្បាយ ដ៏អាក្រក់មួយចំនួន ប៉ុន្តែបានទទួលការ ជូនដំណឹងអំពីឯកសារ អ្នកនៅទីនេះត្រូវបានបញ្ជា ។
អ្នកតំណាងរបស់ Sacks, Andreessen និង Palihapitiya មិនបានឆ្លើយតបភ្លាមៗ ចំពោះសារសម្រាប់ការអត្ថាធិប្បាយទេ កាលពីថ្ងៃអង្គារ។ Lonsdale មិនបានឆ្លើយតបភ្លាមៗ ចំពោះសារដែលបានផ្ញើតាមរយៈ LinkedIn ទេ៕ដោយ៖លី ភីលីព
