បរទេស៖ រដ្ឋមន្ត្រីក្រសួងការពារជាតិអាល្លឺម៉ង់លោកស្រី Christine Lambrecht កាលពីថ្ងៃអង្គារម្សិលមិញ នេះ បានថ្លែងប្រាប់ទៅកាន់រដ្ឋាភិបាលអាល្លឺម៉ង់ថា មកដល់ពេលនេះអាល្លឺម៉ង់ មិនអាចបញ្ចូនអាវុធ បន្ថែមទៀត ទៅឲ្យអ៊ុយក្រែន ឡើយសម្រាប់កិច្ចការងារការពារជាតិ។
លោកស្រីបានបន្តទៀតថាកងកម្លាំងយោធាអាល្លឺម៉ង់ នៅពេលនេះ គឺត្រូវការអាវុធនៅក្នុងស្តុកគ្រប់គ្រាន់ ដើម្បីអាច ធានាបាននូវប្រព័ន្ធការពារជាតិដ៏រឹង ម៉ាំមួយដោយខ្លួនឯង។
លោកស្រីបានថ្លែងបែបនេះថា៖ ខ្ញុំត្រូវតែនិយាយការពិតក្នុងនាមជារដ្ឋមន្ត្រី ក្រសួងការពារជាតិថា ពេលនេះពួក យើងគឺ បានឈានមកដល់ចំនួនកំណត់ ដែលយើងអាចផ្តល់ទៅឲ្យអ៊ុយក្រែនហើយ។
ទោះបីជាយ៉ាងណាក្តីប៉ុន្មានថ្ងៃមុខនេះ ប្រធានសភាជាតិរបស់អាល្លឺម៉ង់ លោកស្រី Maire Agnes Strack-Zimmermann បានធ្វើការអំពាវនាវឲ្យអាល្លឺម៉ង់ គួរតែបញ្ចូនអាវុធ បន្ថែមទៀតទៅឲ្យប្រទេសអ៊ុយក្រែន៕
ប្រែសម្រួល៖ស៊ុនលី
