បរទេស៖ យោធាអាមេរិកកំពុង មានកម្រិតទាបលើប្រភេទគ្រាប់រំសេវមួយចំនួន បន្ទាប់ពីសេតវិមានបានយល់ព្រម និងផ្តល់ប្រាក់រាប់ពាន់លានដុល្លារជា “ជំនួយជាសព្វាវុធ” សម្រាប់អ៊ុយក្រែនចាប់តាំងពីខែកុម្ភៈមក។ នេះបើតាមមន្ត្រីយោធាជាច្រើនបានប្រាប់កាសែត Wall Street Journal ក្នុងលក្ខខណ្ឌមិនបញ្ចេញឈ្មោះ។
យោងតាមសារព័ត៌មាន RT ចេញផ្សាយនៅថ្ងៃទី៣០ ខែសីហា ឆ្នាំ២០២២ បានឱ្យដឹងថា បន្ថែមពីលើកាំភ្លើង យន្តហោះគ្មានមនុស្សបើក មីស៊ីល កាំភ្លើងធំ និងឧបករណ៍បាញ់រ៉ុក្កែតរាប់ពាន់ដើម គឺ ទីក្រុងវ៉ាស៊ីនតោនបានផ្គត់ផ្គង់ដល់ទីក្រុងគៀវជាមួយនឹងគ្រាប់ជាច្រើន រួមទាំងគ្រាប់កាំភ្លើងធំរហូតដល់ ៨០៦ ០០០ កម្រិត ១៥៥mm។ ស្តុកគ្រាប់រំសេវក្រោយៗនេះកំពុងដំណើរការ«ទាប» នេះបើតាមមន្ត្រីមន្ទីរបញ្ចកោណដែលមិនបញ្ចេញឈ្មោះម្នាក់បានប្រាប់សារព័ត៌មាន Journal។
មន្ត្រីរូបនេះបានបន្ថែមថា “វាមិនស្ថិតក្នុងកម្រិតដែលយើងចង់ចូលទៅក្នុងការប្រយុទ្ធនោះទេ” ទោះបីជាបានកត់សម្គាល់ថា ចាប់តាំងពីសហរដ្ឋអាមេរិកមិនពាក់ព័ន្ធដោយផ្ទាល់នៅក្នុងជម្លោះធំណាមួយក៏ដោយ គ្រាប់កម្រិត ១៥៥mm មិនទាន់ឈានដល់កម្រិត “សំខាន់” នៅឡើយ៕ប្រែសម្រួលៈ ណៃ តុលា
