ចិន ៖ នេះបើយោងតាមទីភ្នាក់ងារ អវកាសចិន Manned Space Agency បានប្រាប់ឲ្យដឹងថា អវកាសយានិកចិននៅលើបេសកកម្ម Shenzhou XIV បានអនុវត្តការដើរលើលំហដំបូង របស់ពួកគេដែលត្រូវ បានគេស្គាល់ថា ជាយានអវកាសក្រៅភព ជាសកម្មភាព ដែលបានបញ្ចប់ កាលពីព្រឹកថ្ងៃសុក្រ យោងតាមការចេញផ្សាយ ពីគេហទំព័រឆៃណាឌៀលី ។
ទីភ្នាក់ងារនេះ បាននិយាយ លើសេចក្តីប្រកាសព័ត៌មានមួយថា មេបញ្ជាការបេសកកម្ម វរសេនីយឯក Chen Dong បានបើកដំណើរការ សកម្មភាពក្រៅ ប្រព័ន្ធនៅលើស្ថានីយអវកាស Tiangong នៅម៉ោង ៦:២៦ ល្ងាចថ្ងៃព្រហស្បតិ៍ម៉ោង នៅទីក្រុងប៉េកាំង បន្ទាប់មកបានអណ្តែតចេញពីស្ថានីយ៍។ លោកត្រូវបានតាមពីក្រោយដោយ សមាជិកនាវិកស្ត្រីជាន់ខ្ពស់វរសេនីយ៍ឯក Liu Yang ។
វាជាការដើរក្នុង លំហទីមួយ ដែលធ្វើឡើងដោយ Chen និង Liu អ្នកទាំង២នាក់កំពុងស្ថិតសម្រាប់ ការធ្វើដំណើរទីអវកាសជាលើកទី២ ។ ការចេញផ្សាយ បាននិយាយថា សមាជិកក្រុមផ្សេងទៀត ដូចវរសេនីយ៍ឯក Cai Xuzhe ស្នាក់នៅខាងក្នុងស្ថានីយ៍ ដើម្បីគាំទ្រ ដល់ប្រតិបត្តិការ របស់ពួកគេ។
យោងតាមទីភ្នាក់ងារ បានឲ្យដឹងថា លោក Chen និងលោក Liu ត្រូវបានផ្តល់ភារកិច្ចក្នុងការប្រើដៃមនុស្សយន្ត ដើម្បីដំឡើងឧបករណ៍ថ្មីនៅខាងក្រៅ Tiangong ដោយកែសម្រួល កាមេរ៉ាបែប Panoramic និងប្រតិបត្តិការផ្សេងទៀត ។ អ្នកទាំង២ត្រូវបានគេកំណត់ ពេលស្នាក់នៅខាងក្រៅ ប្រហែល៧ម៉ោង ៕
ដោយ៖លី ភីលីព
