តូក្យូ ៖ ក្រុមហ៊ុនផលិតរថយន្តជប៉ុន បាននិយាយថា Nissan នឹងជំរុញរថយន្តអគ្គិសនី យ៉ាងខ្លាំងក្លា ដើម្បីទាញយកអត្ថប្រយោជន៍ ពីច្បាប់ថ្មី របស់សហរដ្ឋអាមេរិក ដែលផ្តល់ឥណទានពន្ធរហូតដល់ ៧,៥០០ ដុល្លារយោងតាមការចេញ ផ្សាយពីគេហទំព័រជប៉ុនធូដេ ។
ប្រធានាធិបតីអាមេរិកលោក Joe Biden បានចុះហត្ថលេខាលើច្បាប់ ស្តីពីការប្រែប្រួលអាកាសធាតុ និងការថែទាំសុខភាព ជាច្បាប់កាលពីខែមុន។ ឥណទានពន្ធអាចប្រើ ដើម្បីបង្ខូចថ្លៃដើមនៃការទិញ រថយន្តអគ្គិសនីផលិត នៅសហរដ្ឋអាមេរិក ។ រថយន្តអគ្គិសនី Nissan Leaf ស្ថិតក្នុងចំណោមម៉ូដែល មានលក្ខណៈសម្បត្តិគ្រប់គ្រាន់ ប៉ុន្តែនៅក្រោមច្បាប់ យានជំនិះត្រូវតែមានអាគុយផលិតនៅអាមេរិកខាងជើង ជាមួយនឹងការជីកយករ៉ែ ឬកែច្នៃឡើងវិញនៅលើទ្វីបដើម្បីឲ្យមានសិទ្ធិ ។
ប្រធានផ្នែកនិរន្តរភាព Joji Tagawa បានទទួលស្គាល់ដំណើរការគុណវុឌ្ឍិមានភាពស្មុគ្រស្មាញ ខណៈ សង្កត់ធ្ងន់ថា Nissan មានបំណងចង់ទាញ យកអត្ថប្រយោជន៍ពីច្បាប់ ដើម្បីកាត់បន្ថយការចំណាយដល់អតិថិជន។ លោកបានប្រាប់អ្នកយកព័ត៌មាន ក្នុងសន្និសីទសារព័ត៌មាន តាមអ៊ីនធើណេតថា យើងកំពុងស្ថិតក្នុងដំណើរការ នៃការវិភាគដ៏ហ្មត់ចត់ មួយនៅពេលនេះ ដោយកត់សម្គាល់ព័ត៌មានលម្អិតអំពី ក្រុមហ៊ុន Nissan អាចធ្វើនៅមិនទាន់សម្រេចចិត្តនៅឡើយ ។
ម៉ូដែល Tesla ក៏ដូចជា Ford F Series ភីកអាប់អគ្គិសនី BMW X5 និង Jeep Wrangler plug-in hybrid ស្ថិតក្នុងចំណោមម៉ូដែល ដែលនឹងអាច មានលក្ខណៈគ្រប់គ្រាន់ សម្រាប់ឥណទានពន្ធ ។ Nissan Motor Co. ជាសម្ព័ន្ធមិត្តជាមួយក្រុមហ៊ុន ផលិតរថយន្តបារាំង Renault ស្ថិតក្នុងចំណោមក្រុមហ៊ុនដំបូងគេ ដែលផ្តល់សេវាកម្មរថយន្តអគ្គិសនី ទាំងអស់ជាមួយនឹង Leaf បានចេញលក់កាលឆ្នាំ ២០១០ ។
រថយន្តអគ្គិសនី Leaf ជាង ៦00,000 ត្រូវបានលក់នៅទូទាំងពិភពលោក រហូតមកដល់ពេលនេះ។ ថ្មីៗនេះ ក្រុមហ៊ុនផលិតរថយន្តធំៗ ជុំវិញពិភពលោក បានប្រកាស ពីការវិនិយោគ ដើម្បីបង្កើនល្បឿន ឆ្ពោះទៅរករថយន្តអគ្គិសនី ដោយសារការព្រួយបារម្ភកើនឡើង អំពីការប្រែប្រួលអាកាសធាតុ និងតម្លៃឧស្ម័ន ៕
