តូក្យូ ៖ ប្រធានទីភ្នាក់ងារ ការពារបរិស្ថាន របស់សហរដ្ឋអាមេរិក បាននិយាយថា បច្ចេកវិទ្យានុយក្លេអ៊ែរ កម្រិតខ្ពស់ នឹងមានសារសំខាន់ សម្រាប់ទាំង សហរដ្ឋអាមេរិក និងជប៉ុន នៅពេលពួកគេបង្កើន កិច្ចសហប្រតិបត្តិការ ដើម្បីសម្រេចបាននូវ គោលដៅអាកាសធាតុ ។
លោក Michael Regan បន្ទាប់ពីជួបពិភាក្សា ជាមួយសមភាគីជប៉ុនលោក Akihiro Nishimura នៅទីក្រុងតូក្យូ បានប្រាប់សន្និសីទសារព័ត៌មានរួមថា ថាមពលនុយក្លេអ៊ែរក្នុងប្រទេស របស់ពួកគេដើរតួនាទីមួយ ហើយឱកាសសម្រាប់បច្ចេកវិទ្យា នុយក្លេអ៊ែរ កម្រិតខ្ពស់នឹងមានសារសំខាន់ ប្រសិនបើយើងនឹង សម្រេចបាននូវគោលដៅ អាកាសធាតុរបស់យើង ។
លោកបានបន្តថា ខ្ញុំគិតថា វិទ្យាសាស្ត្រប្រាប់យើងថា យើងត្រូវឆ្លើយតបទៅនឹងវិបត្តិអាកាស ធាតុដោយភាពបន្ទាន់ ហើយថាមពលនុយក្លេអ៊ែរ បច្ចេកវិទ្យា នុយក្លេអ៊ែរ និងអាចមានតួនាទីក្នុងការបន្តជាមួយ នឹងការបំភាយឧស្ម័នសូន្យ រួមចំណែកដល់អាកាសធាតុ ។ សម្រាប់ការផ្លាស់ប្តូរ នាពេលថ្មីៗនេះ របស់ប្រទេសជប៉ុន ឆ្ពោះទៅរកការវិលត្រឡប់ទៅ រកថាមពលនុយក្លេអ៊ែរ ។
នាយករដ្ឋមន្ត្រីជប៉ុនលោក Fumio Kishida បាននិយាយ កាលពីសប្តាហ៍មុនថា លោកបានណែនាំរដ្ឋាភិបាល របស់លោកឱ្យពិចារណា លើការអភិវឌ្ឍម៉ាស៊ីន រ៉េអាក់ទ័រនុយក្លេអ៊ែរ តូចជាង មានសុវត្ថិភាពជាងមុន នៃការសង្កត់ធ្ងន់ជាថ្មី លើថាមពលនុយក្លេអ៊ែរ ជាច្រើនឆ្នាំបន្ទាប់ពីរោងចក្រ ជាច្រើនរបស់ប្រទេសនេះត្រូវបានបិទ ៕ដោយ៖លី ភីលីព
