អ្នកជំនាញ អាហ្វហ្គានីស្ថាន ៖ ការ ប្រយុទ្ធ ប្រឆាំង នឹង អំពើ ភេរវកម្ម ជាឧបករណ៍ សម្រាប់សហរដ្ឋ អាមេរិក ក្នុងការ អនុវត្ត អនុត្តរភាព

កាប៊ុល៖ អ្នកប្រាជ្ញអាហ្វហ្គានីស្ថានម្នាក់បានប្រាប់សារព័ត៌មានស៊ិនហួ ក្នុងបទសម្ភាសន៍ផ្តាច់មុខមួយថា ការប្រយុទ្ធប្រឆាំងនឹងភេរវករ គឺជាឧបករណ៍ប្រើប្រាស់ ដោយសហរដ្ឋអាមេរិក ដើម្បីពង្រឹងអនុត្តរភាពរបស់ខ្លួន។

លោក Najibullah Jami អ្នកជំនាញខាងនយោបាយអាហ្វហ្គានីស្ថាន និងជាសាស្ត្រាចារ្យសាកលវិទ្យាល័យកាប៊ុលបានលើកឡើងថា “និយមន័យរបស់សហរដ្ឋអាមេរិក អំពីអំពើភេរវកម្ម គឺអាស្រ័យលើផលប្រយោជន៍របស់ទីក្រុងវ៉ាស៊ីនតោន។

បន្ទាប់ពីការវាយប្រហា រភេរវកម្មលើទីក្រុងញូវយ៉ក និងវ៉ាស៊ីនតោន កាលពីថ្ងៃទី១១ ខែកញ្ញា ឆ្នាំ២០០១ សហរដ្ឋអាមេរិក បានចោទប្រកាន់បណ្តាញ អាល់កៃដាថា ជាអ្នករៀបចំការវាយប្រហារ ដ៏សាហាវ ហើយបានដឹកនាំក្រុមចម្រុះយោធា ចូលលុកលុយប្រទេសអាហ្វហ្គានីស្ថាន ក្នុងខែតុលា ឆ្នាំ២០០១ ដើម្បីផ្តួលរំលំរដ្ឋាភិបាលតាលីបង់ ដែល គេ ចោទ ប្រកាន់ ថា បាន ផ្តល់ ជម្រក ដល់ មេដឹកនាំ បណ្តាញ ភេរវជន Osama Bin Laden។

នៅចុងខែសីហាឆ្នាំ២០២១ កងកម្លាំង សហរដ្ឋអាមេរិក បានធ្វើការដកទ័ពចេញពីប្រទេស អាហ្វហ្គានីស្ថានយ៉ាងប្រញាប់ប្រញាល់ ជាមួយនឹងការបរាជ័យផ្នែកយោធា ដោយទុកឱ្យប្រទេសដែលហែកហួរ ដោយសង្រ្គាមនៅ ក្នុងភាពក្រីក្រខ្លាំង និងការឈឺចាប់យ៉ាងខ្លាំង ។

ទិន្នន័យសាធារណៈបានបង្ហាញថា ជនស៊ីវិលអាហ្វហ្គានីស្ថានជាង ៥ម៉ឺននាក់ និងបុគ្គលិកសន្តិសុខអាហ្វហ្គានីស្ថានជិត ៧ម៉ឺន នាក់ត្រូវបានគេរាយការណ៍ថា ត្រូវបានសម្លាប់ក្នុងអំឡុងពេលការកាន់កាប់របស់សហរដ្ឋអាមេរិក អស់រយៈពេលពីរទសវត្សរ៍នៅអាហ្វហ្គានីស្ថាន។

លោក Jami បានបន្ដថា សង្រ្គាមប្រឆាំងភេរវកម្មរបស់អាមេរិក តាមសេចក្តីរាយការណ៍ បានធ្វើឱ្យចំនួនអង្គការភេរវករ នៅក្នុងប្រទេសអាហ្វហ្គានីស្ថាន កើនឡើងលើសពី ២០ នៅថ្ងៃនេះ។

អ្នកវិភាគបន្ថែមថា “ជនជាតិអាមេរិកបានលុកលុយប្រទេសអាហ្វហ្គានីស្ថាន ជាមួយនឹងពាក្យស្លោក ដើម្បីប្រយុទ្ធប្រឆាំងនឹងភេរវកម្ម ពិនិត្យមើលការផលិត និងការជួញដូរគ្រឿងញៀន និងកសាងប្រទេសឡើងវិញ ប៉ុន្តែការអះអាងនេះបានបង្ហាញពីការប្រឆាំងនឹងផលិតភាព ខណៈដែលការផលិត និងការជួញដូរគ្រឿងញៀនបានកើនឡើងច្រើន ហើយប្រទេសដែលហែកហួរដោយសង្រ្គាមក៏កំពុងទទួលរងនូវភាពក្រីក្រខ្លាំងផងដែរ”៕

ប្រែសម្រួល ឈូក បូរ៉ា