សេអ៊ូល ៖ កាលពីខែមុន អ្នកគាំទ្រ និងអ្នកនិយមលេងអ៊ីនធើណេត មានការព្រួយបារម្ភនៅពេល Dispatch បានចោទប្រកាន់ថា តារាសម្តែងនាង Park Min Young មានទំនាក់ទំនងជាមួយលោក Kang Jong Hyun ជាប្រធាន ក្រុមហ៊ុន Bithumb ដែលជាការផ្លាស់ ប្តូររូបិយប័ណ្ណគ្រីបតូដ៏ធំបំផុតមួយ របស់ប្រទេសកូរ៉េខាងត្បូង បើយោងតាមចេញផ្សាយផ្លូវការរបស់គេហទំព័រកម្សាន្ត កូរ៉េខាងត្បូង Allkpop ។
ប្រព័ន្ធផ្សព្វផ្សាយ បានអះអាងបន្ថែមថា លោក Kang កំពុងត្រូវបានសង្ស័យថា ទទួលបានប្រាក់កម្ចីឯកជនខុសច្បាប់យ៉ាងច្រើន ដែលលោកធ្លាប់ទិញ អាជីវកម្មដូចជា ‘Bithumb’ ‘Vidente Co’ ‘Bucket Studio’ ជាដើម ។ បណ្តាញសារព័ត៌មាន បានចោទប្រកាន់លោក Kang បន្ថែមទៀតថា ការប្រមូលទ្រព្យសម្បត្តិដ៏ច្រើន តាមរយៈការជួញដូរខុសច្បាប់បែបនេះ ។
ផលិតកម្ម Hook Entertainment របស់នាងបាននិយាយថា ជាមួយនឹងភាពចម្រូង ចម្រាសកាន់តែខ្លាំង ហើយអ្នកនិយមលេងអ៊ីនធើណេត កាន់តែមានការព្រួយបារម្ភ ចំពោះតារាស្រីរូបនេះ នាងលែងមានទំនាក់ទំនងស្នេហា ជាមួយលោក Kang Jong Hyun ហើយថា ពួកគេបានបែកគ្នាហើយ ។ យ៉ាងណាមិញ អ្នកនិយមលេងអ៊ីនធើណេតបានបន្តពិភាក្សាអំពីប្រធានបទនេះ ហើយថែមទាំងចំអកថា នាង Park Min Young ឆាប់បែកគ្នាជាមួយនាង Kang ។
ជាការឆ្លើយតបលោក Kang Jong Hyun ផ្ទាល់បាននិយាយអំពីពាក្យ ចចាមអារ៉ាមនេះ ហើយបានពន្យល់ថា លោកពិតជាបានបែកបាក់ ជាមួយតារាស្រីរូបនេះមែន ។ លោកបាននិយាយជាមួយ Dispatch នៅថ្ងៃទី ១២ ខែតុលា ហើយចាប់ផ្តើមដោយ និយាយថា ខ្ញុំបានជួបនាង Min Young នៅថ្ងៃទី ២៩ ខែមុន ។ លោកបានបន្ថែមថា ខ្ញុំមិនចង់បំផ្លាញអាជីពសម្ដែងរបស់ Park Min Young ដោយសារខ្ញុំទេ ។ នាងពិតជាស្រឡាញ់ការសម្ដែង ដូច្នេះហើយបានជាយើងសម្រេចចិត្តបែកគ្នា ។
លោក Kang Jong Hyun បានបន្តថា ខ្ញុំមិនខ្វល់ថា របាយការណ៍ត្រូវបានសរសេរអំពីខ្ញុំយ៉ាងណាទេ ប៉ុន្តែខ្ញុំមិនចង់ឲ្យនាងត្រូវបានគេលើកឡើងទៀតទេ។ លោកក៏បានបដិសេធថា លោកមិនបានឧបត្ថម្ភហិរញ្ញវត្ថុដល់នាងទេ ហើយបានពន្យល់ថា របស់តែមួយគត់ដែលខ្ញុំបានឲ្យនាង Park Min Young គឺកាបូបម៉ាក Chanel នៅថ្ងៃខួបកំណើតរបស់នាង ៕
