សេអ៊ូល ៖ យោងតាមការចេញផ្សាយ ពីគេហទំព័រឆៃណាឌៀលី បានប្រាប់ឲ្យដឹងថា ផ្កាពណ៌សនៃការកាន់ទុក្ខ និងការចែករម្លែកទុក្ខ ស្ថិតនៅក្បែរផ្លូវតូចចង្អៀត នៃ Itaewon ដែលជាតំបន់កម្សាន្ត ពេលរាត្រីដ៏ពេញនិយម នៃទីក្រុងសេអ៊ូលជាកន្លែង ដែលអ្នកចូលទស្សនា ពិធីបុណ្យ Halloween ជាច្រើនបានស្លាប់នៅក្នុង ការរត់ជាន់គ្នាកាលពីល្ងាចថ្ងៃសៅរ៍ ។
នេះបើយោងតាមទីស្នាក់ការ កណ្តាលប្រឆាំងគ្រោះមហន្តរាយ និងសុវត្ថិភាព របស់កូរ៉េខាងត្បូង ថា គិតត្រឹមព្រឹកថ្ងៃអង្គារនេះ ចំនួនអ្នកស្លាប់ដោយសារ គ្រោះមហន្តរាយនេះកើនឡើង១៥៦នាក់ ។ ជនរងគ្រោះភាគច្រើន មានអាយុ២០ឆ្នាំក្នុងនោះ១២ នាក់អាយុ១០ឆ្នាំ ហើយមនុស្សសរុប ១៥១ នាក់បានរងរបួសរត់ជាន់គ្នាមាន ២៩ នាក់របួសធ្ងន់ ។
សោកនាដកម្មនេះ ជាឧប្បត្តិ ហេតុដ៏សាហាវបំផុតក្នុងប្រវត្តិសាស្ត្រ របស់ប្រទេសកូរ៉េខាងត្បូង និងជាគ្រោះមហន្តរាយសន្តិភាព ដ៏អាក្រក់បំផុត ដែលប្រទេសជាតិបានឃើញចាប់តាំងពីឆ្នាំ ២០១៤នៅពេល មនុស្សចំនួន ៣០៤ នាក់បានស្លាប់ នៅក្នុងឧប្បត្តិហេតុសាឡាង។ ជនបរទេសចំនួន ២៦ នាក់មកពី ១៤ប្រទេស ស្ថិតក្នុងចំណោមជនរងគ្រោះ Itaewon ក្នុងនោះជនជាតិអ៊ីរ៉ង់៥ នាក់ ជនជាតិចិន៤នាក់ ជនជាតិរុស្ស៊ី៤ នាក់ ជនជាតិអាមេរិក ២នាក់ និងជនជាតិជប៉ុន ២ នាក់ ។
មនុស្សរហូតដល់ ១00,000 នាក់ ស្លៀកពាក់សម្លៀក បំពាក់បានប្រមូលផ្តុំគ្នានៅ Itaewon ដើម្បីអបអរសាទរព្រឹត្តិការណ៍ Halloween ជាសាធារណៈលើកដំបូង របស់ប្រទេសកូរ៉េខាងត្បូង ចាប់តាំងពីរដ្ឋាភិបាល បានលុបចោលការរឹតបន្តឹង COVID-19 និងច្បាប់រក្សាគម្លាតសង្គម។ ហេតុការណ៍គ្រោះថ្នាក់ចរាចរណ៍នេះ បានកើតឡើង នៅវេលាម៉ោង១០ និង៣០នាទីយប់ នៅពេលមនុស្សម្នាជាប់គាំង និងបុកពេញទំហឹង ខណៈហ្វូងមនុស្សបានហក់ចូលទៅក្នុងផ្លូវលំ ដែលមានទទឹងតិចជាង៤ម៉ែត្រ ។
លោកប្រធានាធិបតី Xi Jinping បានផ្ញើសារមួយកាលពីថ្ងៃអាទិត្យ ទៅកាន់ប្រធានាធិបតីកូរ៉េខាងត្បូង Yoon Suk-yeol ដោយសម្តែងការរំលែកទុក្ខយ៉ាង ជ្រាលជ្រៅចំពោះការស្លាប់ របស់ជនរងគ្រោះ និងការអាណិតអាសូរយ៉ាងស្មោះស្ម័គ្រ ចំពោះអ្នករងរបួស និងក្រុមគ្រួសារ នៃអ្នកបាត់បង់ជីវិត។
លោក Xi មានការសោកស្ដាយ ដែលជនជាតិចិនជាច្រើននាក់បានស្លាប់ ឬរងរបួសក្នុងឧបទ្ទវហេតុនេះ ហើយសង្ឃឹមថា កូរ៉េខាងត្បូងនឹងមិនប្រឹងប្រែង ព្យាបាលអ្នករបួស និងដោះស្រាយបញ្ហាតាមដាន ឱ្យបានត្រឹមត្រូវ ។
រយៈពេលមួយសប្តាហ៍ នៃការកាន់ទុក្ខជាតិ កំពុងត្រូវបានប្រារព្ធធ្វើ នៅប្រទេសកូរ៉េខាងត្បូង ដោយភ្នាក់ងាររដ្ឋ និងរដ្ឋាភិបាលទាំងអស់ បានលើកទង់ជាតិ នៅពាក់កណ្តាលដើម ។ ស្ថានទូតចិននៅទីក្រុងសេអ៊ូល ស្ថិតក្នុងចំណោមបេសកកម្មការទូត ដែលបានចូលរួមរំលែក ទុក្ខដល់ជនរងគ្រោះ ក្នុងគ្រោះមហន្តរាយនេះ ។
ប្រជាជននៅទូទាំងប្រទេសកូរ៉េខាងត្បូង កំពុងគោរពវិញ្ញាណក្ខន្ធជនរងគ្រោះនៅអាសនៈកាន់ទុក្ខ ដែលដាក់ដោយផ្កាឈូករ័ត្នពណ៌ស។ Yoon និងស្ត្រីទីមួយ Kim Keon-hee បានទៅលេងអាសនៈក្នុងទីក្រុង Seoul Plaza ទល់មុខសាលាក្រុង ៕
