កូឡាឡាំពួរ៖ មេដឹកនាំបក្សប្រឆាំងម៉ាឡេស៊ី លោក អាន់វ៉ា អ៊ីប្រាហ៊ីម បានស្បថចូលកាន់តំណែងជានាយករដ្ឋមន្ត្រីកាលពីថ្ងៃព្រហស្បតិ៍ បន្ទាប់ពីវិមានបានតែងតាំងអតីតឧបនាយករដ្ឋមន្ត្រី ជាមេដឹកនាំថ្មីរបស់ប្រទេស បន្ទាប់ពីការបោះឆ្នោតសកលកាលពីថ្ងៃសៅរ៍ ។
សម្ព័នកធបក្សនយោបាយ Pakatan Harapan ពហុជាតិសាសន៍របស់លោក អាន់វ៉ា ឬ Alliance of Hope ត្រូវបានគេរំពឹងថា នឹងបង្កើតរដ្ឋាភិបាលជាមួយសម្ព័ន្ធរណសិរ្សជាតិដែលគេស្គាល់ថា BN ដែលជាអតីតសម្ព័ន្ធដែលកំពុងកាន់អំណាចដឹកនាំដោយនាយករដ្ឋមន្ត្រី Ismail Sabri Yaakob។
ទាំងសម្ព័ន្ធសំខាន់ទាំងពីរ ដែលមួយដឹកនាំដោយលោក Anwar និងមួយទៀតដោយអតីតនាយករដ្ឋមន្ត្រី Muhyiddin Yassin មិនអាចទទួលបានអាសនៈគ្រប់គ្រាន់ក្នុងសភាដើម្បីបង្កើតរដ្ឋាភិបាលឡើយ។ ក្រុមចម្រុះរបស់ Ismail Sabri ជាប់ចំណាត់ថ្នាក់លេខបី ក្នុងការបោះឆ្នោតសរុប។
នៅព្រឹកថ្ងៃព្រហស្បតិ៍ម្សិលមិញនេះ វិមានបានចេញសេចក្តីថ្លែងការណ៍មួយ ដែលបានតែងតាំងលោក អាន់វ៉ា ជានាយករដ្ឋមន្ត្រី បន្ទាប់ពីស្តេចស៊ុលតង់ Abdullah Ri’ayatuddin បានបញ្ជាឱ្យមេដឹកនាំនៃក្រុមចម្រុះសំខាន់ៗទាំងពីរ លើការប្រជុំជាបន្តបន្ទាប់ជាមួយពួកគេក្នុងរយៈពេលពីរថ្ងៃកន្លងមកនេះ ដើម្បីស្វែងរកវិធីបង្កើត រដ្ឋាភិបាលឯកភាព។
លោក អានលវ៉ា អាយុ ៧៥ឆ្នាំដែលបានបម្រើការជាឧបនាយករដ្ឋមន្រ្ដី Mahathir Mohamad ចន្លោះឆ្នាំ១៩៩៣ និង ១៩៩៨ បានឡើងដល់កំពូលនៅក្នុងការវិលត្រឡប់មកវិញដ៏អស្ចារ្យបន្ទាប់ពីគាត់បានជាប់ពន្ធនាគារសរុបចំនួន ៩ឆ្នាំពីបទពុករលួយ និងអំពើផ្លូវភេទដែលគាត់ និងក្រុមសិទ្ធិមនុស្សបានរក្សា។ ការចោទប្រកាន់ត្រូវបានបញ្ចប់ដោយគូប្រជែងនយោបាយរបស់លោក៕ប្រែសម្រួល ឈូក បូរ៉ា
