សេនហ្វ្រេនស៊ីស្កូ ៖ Twitter មិនអនុវត្តគោលនយោបាយ របស់ខ្លួនប្រឆាំង នឹងព័ត៌មានមិនពិតអំពី COVID-19 ទៀតទេ ដោយបង្កើន ការព្រួយបារម្ភ ក្នុងចំណោមអ្នកជំនាញ សុខភាពសាធារណៈថា ការផ្លាស់ប្តូរអាចមាន ផលវិបាកធ្ងន់ធ្ងរ ប្រសិន បើវារារាំងការចាក់វ៉ាក់សាំង និងការខិតខំប្រឹង ប្រែងផ្សេងទៀត ប្រយុទ្ធប្រឆាំងនឹងមេរោគ នៅតែរីករាលដាល យោងតាមការចេញផ្សាយ ពីគេហទំព័រជប៉ុនធូដេ ។
អ្នកប្រើប្រាស់ Eagle-eyed បានប្រទះឃើញ ការផ្លាស់ប្តូរនៅយប់ថ្ងៃចន្ទ ដោយកត់សម្គាល់ថា ការធ្វើអាប់ដេតមួយប្រយោគ ត្រូវបានធ្វើឡើង ចំពោះច្បាប់អនឡាញរបស់ Twitter រួមមានមានប្រសិទ្ធិភាពនៅថ្ងៃទី ២៣ ខែវិច្ឆិកា ឆ្នាំ ២០២២ Twitter លែងអនុវត្តគោលនយោបាយព័ត៌មានបំភាន់នៃ COVID-19 ទៀតហើយ ។
ត្រឹមថ្ងៃអង្គារ គណនី Twitter មួយចំនួនកំពុងសាកល្បងព្រំដែនថ្មី និងអបអរសាទរវិធីសាស្រ្តបិទដៃរបស់វេទិកា ដែលកើតឡើងបន្ទាប់ពី Twitter ត្រូវបានទិញដោយលោក Elon Musk ។ លោកវេជ្ជបណ្ឌិត Simone Gold ជាគ្រូពេទ្យ និងជាអ្នកដឹកនាំនាំមុខគេ នៃព័ត៌មានមិនពិតអំពី COVID-19 បានសរសេរថា គោលការណ៍នេះត្រូវបានប្រើ ដើម្បីបំបិទមាត់មនុស្សទូទាំងពិភពលោក ដែលចោទសួរអំពីនិទានរឿង ប្រព័ន្ធផ្សព្វផ្សាយជុំវិញមេរោគ និងជម្រើសនៃការព្យាបាល ។
ការសម្រេចចិត្តរបស់ Twitter ក្នុងការបញ្ឈប់ការអះអាង មិនពិតអំពីសុវត្ថិភាពនៃវ៉ាក់សាំង COVID-19 បានធ្វើឲ្យមន្ត្រីសុខាភិបាល សាធារណៈជាច្រើនខកចិត្ត ប៉ុន្តែទោះជាយ៉ាងណា បាននិយាយថា វាអាចនាំឲ្យមានការអះអាងមិនពិតបន្ថែមទៀត អំពីមេរោគ ឬសុវត្ថិភាព និងប្រសិទ្ធភាពនៃវ៉ាក់សាំង ៕
