អង់គ្លេស៖ ទីភ្នាក់ងារសន្តិសុខសុខភាព របស់ចក្រភពអង់គ្លេស បាននិយាយថា មានអ្នកស្លាប់ចំនួន៥នាក់ ត្រូវបានកត់ត្រាក្នុងរយៈពេល៧ថ្ងៃ បន្ទាប់ពីការធ្វើរោគវិនិច្ឆ័យជំងឺ Strep A រាតត្បាតចំពោះកុមារអាយុក្រោម ១០ ឆ្នាំនៅអង់គ្លេសក្នុងរដូវកាលនេះយោងតាមការចេញផ្សាយ ពីគេហទំព័រស្គាយញ៉ូវ។
ក្មេងអាយុក្រោម ១០ ឆ្នាំក៏បានស្លាប់ក្នុងប្រទេស Wales បន្ទាប់ពីឆ្លងមេរោគនេះ។ បាក់តេរី Strep ក្រុម A អាចបណ្តាលឲ្យមានការឆ្លងជាច្រើន រាប់ចាប់ពីជំងឺតូចតាច រហូតដល់ជំងឺដែលស្លាប់ ប៉ុន្តែផលវិបាកធ្ងន់ធ្ងរ និងការស្លាប់គឺកម្រណាស់។
យោងតាមទិន្នន័យរបស់ UKHSA បាននិយាយថា មាន ២.៣ ករណីនៃជំងឺរាតត្បាតលើកុមារ ១០០,០០០នាក់មានអាយុពី ១ ឆ្នាំដល់ ៤ ឆ្នាំនៅឆ្នាំនេះនៅចក្រភពអង់គ្លេស បើធៀបនឹងជាមធ្យម ០.៥ ក្នុងរដូវកាលមុនជំងឺរាតត្បាត (២០១៧ ដល់ ២០១៩)។ វាក៏មាន ១.១ ករណីក្នុងចំណោមកុមារ១០០,០០០នាក់មានអាយុពី ៥ ទៅ ៩ ឆ្នាំ ធៀបនឹងមធ្យមភាគមុនការរាតត្បាតនៃ ០.៣ (២០១៧ដល់២០១៩)។
UKHSA បានបន្តថា ការស៊ើបអង្កេតកំពុងដំណើរការ បន្ទាប់ពីមានរបាយការណ៍ អំពីការកើនឡើងនៃការឆ្លងមេរោគ ផ្លូវដង្ហើមផ្នែកខាងក្រោមនៃក្រុម A Strep ចំពោះកុមារក្នុងរយៈពេលប៉ុន្មានសប្តាហ៍កន្លងមកនេះបណ្តាលឲ្យមានជំងឺធ្ងន់ធ្ងរ។ វាបានបន្ថែមថា មិនមានភ័ស្តុតាងណាមួយបង្ហាញថា ប្រភេទ Strep A ថ្មីកំពុងចរាចរទេ ហើយការកើនឡើងនេះទំនងជាទាក់ទងទៅនឹងបរិមាណខ្ពស់នៃបាក់តេរីដែលកំពុងចរាចរ និងការលាយបញ្ចូលគ្នាក្នុងសង្គម៕
ដោយ៖លី ភីលីព
