កាណាដា ៖ យោងតាមការចេញ ផ្សាយ ពីគេហទំព័រស្គាយញ៉ូវ បាននិយាយថា គណៈប្រតិភូ ក្នុងកិច្ចប្រជុំកំពូល របស់អង្គការសហប្រជាជាតិស្តីពីជីវចម្រុះ ពិភពលោក ធ្វើឡើងនៅប្រទេសកាណាដា នាសប្តាហ៍នេះនឹងចង ចាំពីការគំរាមកំហែង ដល់ប្រព័ន្ធអេកូឡូស៊ី ដែលសេដ្ឋកិច្ច ជីវភាពរស់នៅ អាហារ សុខភាព និងគុណភាព នៃជីវិតពឹងផ្អែកលើ ទូទាំងពិភពលោក ។
ប្រជាជាតិជុំវិញពិភពលោក កំពុងត្រូវបានជំរុញឲ្យយល់ ព្រមកិច្ចព្រមព្រៀង រចនាប័ទ្មអាកាសធាតុ ដើម្បីបញ្ឈប់ និងបញ្ច្រាសការបាត់បង់ធម្មជាតិ ត្រូវបានគេមើលឃើញថា មានសារសំខាន់ សម្រាប់ការរស់រានមានជីវិត របស់មនុស្ស។
ការអំពាវនាវ របស់អ្នកធ្វើយុទ្ធនាការនេះ បានធ្វើឡើងនៅមុនកិច្ចប្រជុំកំពូល របស់អង្គការសហប្រជាជាតិ ស្តីពីជីវចម្រុះពិភពលោក ត្រូវបានធ្វើឡើង នៅប្រទេសកាណាដា ក្នុងសប្តាហ៍នេះ ដោយមានសម្ពាធ ដើម្បីធានាបាននូវគោលដៅ ដែលមានកាតព្វកិច្ចស្របច្បាប់ ស្រដៀងទៅនឹងគោលដៅ នៃការកំណត់ការឡើង កម្ដៅផែនដីដល់ ១.៥អង្សាសេ ។
សន្និសីទ COP15 ធ្វើឡើង បន្ទាប់ពីកិច្ចប្រជុំអាកាសធាតុ COP27 ថ្មីៗនេះនៅប្រទេសអេហ្ស៊ីប ពីព្រោះទោះបី ជាបញ្ហាទាំង២ មានទំនាក់ទំនងគ្នា យ៉ាងជិតស្និទ្ធក៏ដោយ សកម្មភាពអន្តរជាតិ ដើម្បីដោះស្រាយការដួលរលំ នៃធម្មជាតិ គឺស្ថិតនៅក្រោម សន្ធិសញ្ញាផ្សេងគ្នា ។ នៅលើតុនៅកិច្ចពិភាក្សា ដែលដឹកនាំដោយចិន នៅទីក្រុងម៉ុងរ៉េអាល់ ពន្យារពេល២ឆ្នាំ ដោយសារជំងឺរាតត្បាត COVID-19 ជាកិច្ចព្រមព្រៀងមួយ ដើម្បីផ្លាស់ប្តូរការធ្លាក់ចុះ នៃជម្រកធម្មជាតិ ។
ចក្រភពអង់គ្លេស និងប្រទេសផ្សេងទៀត កំពុងដាក់សម្ពាធលើគោលដៅរួម ទាំងការការពារ ៣០ភាគរយ នៃដី និងសមុទ្ររបស់ពិភពលោកត្រឹមឆ្នាំ ២០៣០ ការបញ្ឈប់ការផុតពូជ នៃប្រភេទសត្វ និងយល់ព្រមផ្តល់មូលនិធិ ដើម្បីជួយចំណាយសម្រាប់វា។ ទោះជាយ៉ាងណាក៏ដោយ គោលដៅពីមុន ដែលបានកំណត់ នៅប្រទេសជប៉ុនកាលឆ្នាំ ២០១០ មិនត្រូវបានសម្រេចទេ ដូច្នេះហើយ វាក៏មានបំណងប្រាថ្នា ដើម្បីធានាឲ្យបាន នូវគោលដៅ ថ្មីណាមួយផងដែរ ៕
