រដ្ឋ Michigan ៖ យោងតាមការ ចេញផ្សាយពីគេហទំព័រជប៉ុនធូដេ បានប្រាប់ឲ្យដឹងថា បឹង Great Lakes បានស៊ូទ្រាំជាច្រើន សតវត្សកន្លងមកនេះ ចាប់ពីស្រទាប់ផ្កាសារាយធំ រហូតដល់សត្វមច្ឆាដែលរាតត្បាត និងដង្កូវទឹកសមុទ្រ ដែលជញ្ជក់ឈាមស្ទើរ តែបំផ្លាញចំនួនត្រី ។
ឥឡូវនេះ គ្រោះថ្នាក់មួយទៀត គឺពួកវា និងបឹងធំៗផ្សេងទៀត នៅជុំវិញពិភពលោក ប្រហែលជាមានជាតិអាស៊ីត កាន់តែច្រើនអាចធ្វើឲ្យពួកវាមិន សូវរាក់ទាក់សម្រាប់ត្រី និងរុក្ខជាតិមួយចំនួន ។ អ្នកវិទ្យាសាស្ត្រកំពុងបង្កើតបណ្តាញ ឧបករណ៍ចាប់សញ្ញា ដើម្បីរកមើលនិន្នាការគីមី សាស្ត្រទឹកបឹង Huron ។ លោក Reagan Errera សហប្រធានគម្រោង នៃរដ្ឋបាលមហាសមុទ្រ និងបរិយាកាសជាតិបាននិយាយថា វាជាជំហានដំបូងឆ្ពោះទៅ រកប្រព័ន្ធសង្ឃឹម នឹងតាមដានកាបូនឌីអុកស៊ីត និង pH ក្នុងបឹង Great Lakes ទាំង៥រយៈពេលជាច្រើនឆ្នាំ ។
លោក Errera អ្នកស្រាវជ្រាវផ្នែកបរិស្ថានវិទ្យានៃមន្ទីរពិសោធន៍ ស្រាវជ្រាវបរិស្ថាន Great Lakes របស់ NOAA នៅ Ann Arbor រដ្ឋ Michigan បាននិយាយថា ប្រសិនបើអ្នកផ្លាស់ប្តូរវត្ថុគីមី អ្នកនឹងផ្លាស់ប្តូររបៀបដែលអ្វីៗ មានឥរិយាបថ និងដំណើរការ ហើយរួមទាំងបណ្តាញអាហារ ។ មហាសមុទ្រកាន់ តែមានជាតិអាស៊ីត ដោយសារពួកវាស្រូប យកកាបូនឌីអុកស៊ីត ដែលសកម្មភាព របស់មនុស្សបូមចូល ទៅក្នុងបរិយាកាស ជាមូលហេតុចម្បង នៃការប្រែប្រួលអាកាសធាតុ ។ ជាតិអាស៊ីតបង្កគ្រោះថ្នាក់ដល់ថ្ម ប៉ប្រះទឹកផ្កាថ្ម និង ជីវិតសមុទ្រដទៃទៀត ។
ការសិក្សាដែលផ្អែក លើគំរូកុំព្យូទ័របង្ហាញថា រឿងដដែលនេះ អាចនឹងកើតឡើង នៅក្នុងប្រព័ន្ធទឹកសាបធំៗ ។ ប៉ុន្តែមានកម្មវិធីមួយចំនួន កំពុងធ្វើការត្រួតពិនិត្យរយៈពេលវែង ដើម្បីស្វែងរក ឬដើម្បីស៊ើប អង្កេតផលប៉ះពាល់ នៃរលកអេកូឡូស៊ី ។ លោក Galen McKinley សាស្ត្រាចារ្យ ផ្នែកវិទ្យាសាស្ត្រ បរិស្ថាន នៃសាកលវិទ្យាល័យ Columbia បាននិយាយថា នេះមិនមានន័យថា ទឹកនឹងមិនមានសុវត្ថិភាព ក្នុងការហែលទឹកនោះទេ ។ យើងកំពុងនិយាយអំពីការផ្លាស់ប្តូរ រយៈពេលវែង ក្នុងបរិស្ថាន ដែលមនុស្សមិន អាចយល់បាន៕
