បរទេស៖ ឧត្តមសេនីយ Jacob Nagel ដែលជាអតីតទីប្រឹក្សាសន្តិសុខជាតិស្តីទីរបស់ប្រទេសអ៊ីស្រាអែល បាននិយាយនៅក្នុងអត្ថបទ មួយចេញផ្សាយដោយ The National Interest កាលពីថ្ងៃសុក្រថា អ៊ីស្រាអែលទំនងជាមិនគាំទ្រអ៊ុយក្រែន ជាមួយនឹងប្រព័ន្ធការពារ ដែនអាកាស Iron Dome របស់ខ្លួននោះទេ ដោយសារតែការភ័យខ្លាចថាទង្វើនេះអាចបង្កឱ្យមានការឆ្លើយតបដ៏តឹងរ៉ឹងពីប្រទេសរុស្ស៊ី។
យោងតាមសារព័ត៌មាន RT ចេញផ្សាយនៅថ្ងៃទី២៥ ខែធ្នូ ឆ្នាំ២០២២ បានឱ្យដឹងថា ធ្វើអត្ថាធិប្បាយលើការសម្រេចចិត្តនាពេលថ្មីៗនេះរបស់ទីក្រុងវ៉ាស៊ីនតោនក្នុងការផ្តល់ឱ្យអ៊ុយក្រែននូវប្រព័ន្ធការពារដែនអាកាស Patriot កំពូលរបស់ខ្លួន ត្រូវបានលោកឧត្តមសេនីយ Nagel កត់សម្គាល់ថា ការផ្តល់ឱ្យនេះថា “ក៏ធ្វើឱ្យមានការ ចាប់ អារម្មណ៍លើអ៊ីស្រាអែលផងដែរ” ដែលបានបដិសេធជាបន្តបន្ទាប់ក្នុងការ បញ្ជូនអាវុធការពារដែន អាកាសទៅកាន់ទីក្រុងគៀវ។ លោកឧត្តមសេនីយ៍បានដាក់ចេញហេតុផលជាច្រើនសម្រាប់ការបដិសេធសម្រាប់អ៊ុយក្រែន។
លោកបាននិយាយថា ជាដំបូង អ៊ីស្រាអែលមាន “ការភ័យខ្លាចស្របច្បាប់” ដែលថា ប្រសិនបើអាវុធណាមួយរបស់ខ្លួន ត្រូវបានដាក់ពង្រាយនៅអ៊ុយក្រែន ទីបំផុតពួកគេអាចចាប់បានដោយរុស្ស៊ី ហើយនឹងត្រូវបាន “ធានាទាំងអស់” ដែលត្រូវបានបញ្ជូនទៅប្រទេសអ៊ីរ៉ង់ ដើម្បីធ្វើការវិភាគ។ នេះអាចជួយក្រុងតេអេរ៉ង់ គូប្រជែងធំរបស់ទីក្រុង Tel Aviv អស់រយៈពេលជាច្រើនទសវត្សរ៍ដើម្បីរកវិធីទប់ទល់នឹងប្រព័ន្ធនេះ៕
ប្រែសម្រួលៈ ណៃ តុលា
