អង់គ្លេស ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា ទំព័ររបស់នាង Gillian Keegan នៅតែពណ៌នាថា នាងជាសមាជិកសភា សម្រាប់ Chichester និង ជារដ្ឋលេខាធិការ សម្រាប់ការអប់រំ ហើយបានរក្សារូបភាព បដារបស់ខ្លួន ដែលបង្ហាញពីការងារ មណ្ឌលបោះឆ្នោត ក្នុងស្រុកមួយចំនួន បើមិនដូច្នេះទេ វាបានធ្លាក់ចូលទៅក្នុងភាពវឹកវរ ។
គណនី Twitter របស់លេខាធិការអប់រំ របស់ចក្រភពអង់គ្លេស ហាក់ដូចជាត្រូវបាន Hack ដោយរូបភាព Profile របស់វាបានផ្លាស់ប្តូរទៅជារូបភាពរបស់ Elon Musk និងការបង្ហោះជាច្រើន ដែលផ្សព្វផ្សាយអំពីរូបិយប័ណ្ណគ្រីបតូ ធ្លាប់គាំទ្រដោយមហាសេដ្ឋី ។ គណនីនេះបានឆ្លើយតបទៅនឹង Tweets ជាច្រើ នដើម្បីផ្សព្វផ្សាយ ព្រឹត្តិការណ៍ក្លែងក្លាយរៀបចំ ដោយក្រុមហ៊ុនរបស់ Musk Twitter និង Tesla ដោយអះអាងថា នឹងមានការផ្តល់ ជូនពិសេស សម្រាប់អ្នកគាំទ្រ របស់យើងទាំងអស់ និងសហគមន៍គ្រីបតូ។
តំណភ្ជាប់មានបន្ទាត់ស្លាក: “Elon Musk – ទទួលបាន DOGE ឥតគិតថ្លៃ BTC & ETC!” ។ នេះសំដៅទៅលើ Dogecoin ជារូបិយប័ណ្ណគ្រីបតូ ដែលបានចាប់ផ្តើមជារឿង កំប្លែងកាលឆ្នាំ ២០១៣។ Tweets ផ្សេងទៀតសំដៅទៅលើនរណាម្នាក់ ដែលជាម្ចាស់រូបិយប័ណ្ណគ្រីបតូថា ជាអ្នកចម្បាំង Dogecoin ប្រយុទ្ធដើម្បីអនាគត ។
ដោយផ្អែកលើ tweets វាហាក់ដូចជាគណនី របស់អ្នកស្រី Keegan ត្រូវបាន Hack នៅម៉ោងប្រហែល 7.30 យប់នៅថ្ងៃបុណ្យណូអែល៕
