សេអ៊ូល៖ របាយការណ៍សេដ្ឋកិច្ចប្រចាំខែ របស់កូរ៉េខាងត្បូងនៅថ្ងៃសុក្រនេះ បានបង្ហាញពីការព្រួយបារម្ភយ៉ាងខ្លាំងអំពីការធ្លាក់ចុះសេដ្ឋកិច្ចជាមួយនឹងអតិផរណាខ្ពស់ ការនាំចេញធ្លាក់ចុះ និងការស្ទុះងើបឡើងវិញនៃការប្រើប្រាស់យឺត នេះបើយោងតាមក្រសួងសេដ្ឋកិច្ច និងហិរញ្ញវត្ថុ។
របាយការណ៍ដែលហៅថា Green Book បានបង្កើនការព្រួយបារម្ភអំពីការធ្លាក់ចុះសេដ្ឋកិច្ចដោយលើកឡើងថា ការព្រួយបារម្ភបានរីករាលដាលយ៉ាងទូលំទូលាយអំពីការធ្លាក់ចុះសេដ្ឋកិច្ច ដោយសារតែការងើបឡើងវិញកម្រិតមធ្យមនៃតម្រូវការក្នុងស្រុក ការនាំចេញធ្លាក់ចុះ និងការធ្លាក់ចុះនៃអារម្មណ៍ក្នុងចំណោមអ្នកលេងសេដ្ឋកិច្ចចំពេលអតិផរណានៅតែខ្ពស់។
ក្រសួងបានកត់សម្គាល់ថា ភាពមិនប្រាកដប្រជាពីខាងក្រៅបានអូសបន្លាយជុំវិញល្បឿននៃការរឹតបន្តឹងរូបិយវត្ថុ និងការធ្លាក់ចុះសេដ្ឋកិច្ចនៅក្នុងបណ្តាប្រទេសសេដ្ឋកិច្ចធំៗ ក៏ដូចជាហានិភ័យភូមិសាស្ត្រនយោបាយនៅអឺរ៉ុប។
របាយការណ៍ប្រចាំខែបានព្រមានពីការធ្លាក់ចុះសេដ្ឋកិច្ចរយៈពេល ៨ខែជាប់គ្នាចាប់តាំងពីខែមិថុនាឆ្នាំមុន នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
គួរបញ្ជាក់ថា ការនាំចេញរបស់ប្រទេសនេះបានធ្លាក់ចុះ ៩,៥ ភាគរយនៅក្នុងខែធ្នូ ឆ្នាំ២០២២ ធៀបនឹងឆ្នាំមុន ដោយបន្តធ្លាក់ចុះសម្រាប់រយៈពេលបីខែជាប់ៗគ្នា៕ ប្រែសម្រួល ឈូក បូរ៉ា
