គៀវ ៖ មន្ត្រីចារកម្ម អេស្តូនី បានឲ្យដឹង នៅក្នុងសេចក្តីថ្លែងការណ៍មួយថា រុស្ស៊ីប្រហែលជាមិន មានមីស៊ីលគ្រប់គ្រាន់ ដើម្បីបន្តធ្វើការវាយប្រហារ ទ្រង់ទ្រាយធំ ប្រឆាំងនឹងអ៊ុយក្រែន អស់រយៈពេលជាង ៣ ខែមកនេះ នេះបើ តាមការបញ្ជាក់ របស់មន្ត្រីចារកម្ម អេស្តូនី បន្ទាប់ពីការវាយប្រហារថ្មីបំផុត របស់រុស្ស៊ី ប្រឆាំងនឹង ប្រទេសជិតខាងអឺរ៉ុប ខាងកើតរបស់ខ្លួន ។
ចាប់តាំងពីខែតុលា ឆ្នាំ២០២២ រុស្ស៊ីបាននិងកំពុងធ្វើការវាយប្រហារ លើអ៊ុយក្រែន ដោយផ្តោតលើតំបន់ស៊ីវិល និងហេដ្ឋារចនា សម្ព័ន្ធសំខាន់ៗ ដូចជាកន្លែងថាមពលជាដើម ។ ការវាយប្រហារបានចាប់ផ្តើម បន្ទាប់ពីស្ពាន Kerch Strait ដែលតភ្ជាប់ប្រទេសរុស្ស៊ី ទៅកាន់ឧបទ្វីបគ្រីមៀ ដែលបានកាន់កាប់ ហើយក៏ជាផ្លូវផ្គត់ផ្គង់ ដ៏សំខាន់សម្រាប់កងទ័ព របស់លោក ពូទីន ត្រូវបានវាយប្រហារដោយការ ផ្ទុះនៅក្នុងខែតុលា។ អ៊ុយក្រែនមិនបានប្រកាសទទួលខុសត្រូវ ជាផ្លូវការ ចំពោះការផ្ទុះនេះទេ ប៉ុន្តែលោកពូទីនបានបន្ទោសវា ទៅលើអ៊ុយក្រែន ដោយហៅវាថាជាអំពើភេរវកម្ម ហើយបានប្តេជ្ញាថានឹងឆ្លើយតប ។
រលកចុងក្រោយ នៃកូដកម្មបានកើតឡើង កាលពីថ្ងៃព្រហស្បតិ៍។ Valerii Zaluzhnyi អគ្គមេបញ្ជាការ នៃកងកម្លាំងប្រដាប់អាវុធអ៊ុយក្រែន បានឲ្យដឹងនៅក្នុងប៉ុស្តិ៍ Telegram ថា រុស្ស៊ីបានបាញ់មីស៊ីល តាមអាកាស និងសមុទ្រចំនួន ៥៥ គ្រាប់ពីយន្តហោះ និងកប៉ាល់ ដែលឈរជើង នៅសមុទ្រខ្មៅ ។ លោក Zaluzhnyi បានលើកឡើងថា អ៊ុយក្រែនអាចកម្ទេចមីស៊ីលចំនួន ៤៧ គ្រាប់ រួមទាំង ២០ គ្រាប់ ដែលស្ថិតនៅក្នុង “តំបន់” នៃរដ្ឋធានីគៀវ របស់អ៊ុយក្រែន ។
លោកបានបន្ថែមថា “គោលដៅរបស់ជនជាតិរុស្ស៊ី នៅតែដដែល សម្ពាធផ្លូវចិត្តលើប្រជាជនអ៊ុយក្រែន និងការបំផ្លាញ ហេដ្ឋារចនាសម្ព័ន្ធសំខាន់ៗ” ។ “ប៉ុន្តែយើងមិនអាចបំបែកបានទេ!” នេះបើយោងតាមការចុះផ្សាយ របស់ទីភ្នាក់ងារសារព័ត៌មាន Newsweek ។
ប្រធានផ្នែកស៊ើបការណ៍ អេស្តូនី លោក Margo Grosberg បានឲ្យដឹងថា ដោយផ្អែកលើ សមត្ថភាពបច្ចុប្បន្នរបស់រុស្ស៊ី សម្រាប់ការផលិតអាវុធ ដែលដឹកនាំដោយភាព ជាក់លាក់ វាអាចបន្តធ្វើការវាយប្រហារ មីស៊ីលប្រឆាំងនឹងអ៊ុយក្រែន រយៈពេល ៣ ទៅ ៤ ខែបន្ថែមទៀត នេះបើតាមការផ្សាយ របស់ទូរទស្សន៍សាធារណៈ ERR របស់អេស្តូនី ប៉ុន្តែនេះគឺជាទស្សនវិស័យ “សុទិដ្ឋិនិយមបំផុត” សម្រាប់រយៈពេល ដែលការវាយប្រហារអាចបន្ត៕
ប្រែសម្រួល ឈូក បូរ៉ា
