VILNIUS៖ រដ្ឋមន្ត្រីកីឡារបស់ប្រទេស លីទុយអានីបាននិយាយថា ក្រុមមួយនៃប្រទេសចំនួន ៣៥ រួមទាំងសហរដ្ឋអាមេរិក អាល្លឺម៉ង់ និងអូស្ត្រាលីនឹងទាមទារឲ្យអត្តពលិករុស្ស៊ី និងបេឡារុស្សត្រូវបានហាមឃាត់ ពីកីឡាអូឡាំពិកឆ្នាំ ២០២៤ កាន់តែធ្វើឲ្យស៊ីជម្រៅ នូវភាពមិនប្រាកដប្រជាចំពោះព្រឹត្តិការណ៍កីឡាប៉ារីស យោងតាមការចេញផ្សាយ ពីគេហទំព័រជប៉ុនធូដេ។
ចំណាត់ការនេះបង្កើនសម្ពាធ លើគណៈកម្មាធិការអូឡាំពិកអន្តរជាតិ (IOC) ដែលអស់សង្ឃឹមក្នុងការជៀសវាងព្រឹត្តិការណ៍កីឡាត្រូវបានរហែកដោយជម្លោះ បង្ហូរឈាមកំពុងកើតឡើងក្នុងប្រទេសអ៊ុយក្រែន។លោក Jurgita Siugzdiniene បាននិយាយថា យើងកំពុងឆ្ពោះទៅរកទិសដៅដែលយើងនឹងមិនត្រូវការការធ្វើពហិការទេ ពីព្រោះប្រទេសទាំងអស់មានឯកច្ឆ័ន្ទ។
ប្រធានាធិបតីអ៊ុយក្រែនលោក Volodymyr Zelenskyy បានចូលរួមក្នុងកិច្ចប្រជុំតាមប្រព័ន្ធអ៊ីនធើណេត ដោយមានការចូលរួមពីរដ្ឋមន្ត្រីចំនួន ៣៥ ដើម្បីពិភាក្សាអំពីការអំពាវនាវឲ្យមានការហាមឃាត់នេះ ដោយបានចង្អុលបង្ហាញថា អត្តពលិក និងគ្រូបង្វឹកអ៊ុយក្រែន ២២៨ នាក់បានស្លាប់ដោយសារការឈ្លានពានរបស់រុស្ស៊ី។ លោកបានប្រាប់រដ្ឋមន្ត្រីថា ប្រសិនបើមានកីឡាអូឡាំពិកជាមួយនឹងការសម្លាប់ និងការវាយប្រហារដោយកាំជ្រួច អ្នកដឹងថាក្រុមជម្រើសជាតិ មួយណានឹងយកកន្លែងដំបូង។ Terror និង Olympism គឺផ្ទុយគ្នា២ វាមិនអាចរួមបញ្ចូលគ្នាបានទេ។
រដ្ឋមន្ត្រីកីឡាអង់គ្លេសលោកស្រី Lucy Frazer បាននិយាយនៅលើ Twitter ថា កិច្ចប្រជុំមានផលិតភាពខ្លាំង។លោកស្រីបានសរសេរថា ខ្ញុំបានធ្វើឲ្យជំហររបស់ចក្រភពអង់គ្លេសច្បាស់ណាស់ ដរាបណាពូទីន បន្តសង្រ្គាមដ៏ព្រៃផ្សៃរបស់គាត់ រុស្ស៊ី និងបេឡារុស្ស មិនត្រូវធ្វើជាតំណាងក្នុងព្រឹត្តិការណ៍អូឡាំពិកទេ។
លោក Lee Satterfield ជំនួយការរដ្ឋមន្ត្រីការបរទេស ដឹកនាំការិយាល័យកិច្ចការអប់រំ និងវប្បធម៌នៃក្រសួងការបរទេសសហរដ្ឋអាមេរិក ក៏បានចូលរួមក្នុងកិច្ចប្រជុំនេះ។ អ្នកនាំពាក្យក្រសួងការបរទេសអាមេរិកបាននិយាយថា សហរដ្ឋអាមេរិកនឹងបន្តចូលរួមជាមួយសហគមន៍ ប្រជាជាតិដ៏ធំសម្បើមក្នុងការគាំទ្រឥតងាករេរបស់យើងសម្រាប់ប្រជាជនអ៊ុយក្រែន ហើយឲ្យសហព័ន្ធរុស្ស៊ីទទួលខុសត្រូវ ចំពោះសង្គ្រាមដ៏ឃោរឃៅ និងព្រៃផ្សៃរបស់ខ្លួនប្រឆាំងនឹងអ៊ុយក្រែន ក៏ដូចជារបប Lukashenka ដ៏ស្មុគស្មាញនៅបេឡារុស្ស៕
ដោយ៖លី ភីលីព
