ចិន ៖ តាមសេចក្តីរាយការណ៍ ភ្នាក់ងារស៊ើបការណ៍អាមេរិកជឿថា បាឡុងចារកម្ម របស់ចិនបានហោះចេញ ពីមូលដ្ឋាន នៅលើកោះហៃណាន តាមបណ្តោយឆ្នេរសមុទ្រ ភាគខាងត្បូងរបស់ប្រទេស ចំណែករូបភាព ពីផ្កាយរណបថ្មី ទទួលបានដោយអ្នក ស្រាវជ្រាវបង្ហាញថា កោះនេះគឺ ជាកន្លែង សម្រាប់បាញ់បង្ហោះបាឡុង យោងតាមការចេញ ផ្សាយពីគេហទំព័រ MSN ។
អ្នកស្រាវជ្រាវនៅវិទ្យាស្ថាន Middlebury Institute of International Studies បានកំណត់អត្តសញ្ញាណកន្លែង ក្នុងរូបភាពផ្កាយរណប ដែលថតដោយក្រុមហ៊ុន រូបភាពអវកាស Planet Labs ។ វាមិនច្បាស់ទេថា តើកន្លែងត្រូវបានគេកំណត់ អត្តសញ្ញាណលើរូបភាពនេះ ទាក់ទងនឹងបាឡុងចារកម្ម បានឆ្លងកាត់សហរដ្ឋអាមេរិក កាលពីដើមខែនេះ ។
ប៉ុន្តែការរកឃើញនេះ ធ្វើឡើងបន្ទាប់ ពីមានការរាយការណ៍ពីកាសែត The Washington Post កាលពីល្ងាចថ្ងៃអង្គារថា មន្ត្រីចារកម្មអាមេរិកឥឡូវនេះគិតថា កងទ័ពរំដោះប្រជាជនបានបាញ់បង្ហោះបាឡុង ចារកម្មដ៏ល្បីពីខេត្តហៃណាន ដោយមានចេតនាធ្វើចារកម្ម លើមូលដ្ឋានយោធា អាមេរិកនៅប៉ាស៊ីហ្វិក ។
លោក Sam Lair វិទ្យាស្ថាន Middlebury នៃការសិក្សាអន្តរជាតិ ( MIIS) អ្នកស្រាវជ្រាវ បានជួយវិភាគរូបភាព សម្រាប់ Rolling Stone ថា ដោយផ្អែកលើការ កំណត់អត្តសញ្ញាណ របស់កាសែត The Washington Post អំពីកោះនេះថា យើងជឿថា នេះគឺជាកន្លែងបង្ហោះដ៏ល្អបំផុត នៅលើកោះនេះ ជាពិសេសដូច ដែលវាបានរៀបចំពីមុនមក គឺអាកាសយានដ្ឋាន ៕
