បរទេស៖ រដ្ឋមន្ត្រីការបរទេសចិនលោក Wang Yi បានប្រាប់សន្និសីទសន្តិសុខទីក្រុង Munich កាលពីថ្ងៃសៅរ៍ថា ប្រទេសចិននឹងបង្ហាញផែនការមួយ ក្នុងគោលបំណងដោះស្រាយជម្លោះ ដោយសន្តិវិធីនៅអ៊ុយក្រែន។ លោកថា អ្នកដែលអំពាវនាវឲ្យបន្តការប្រយុទ្ធគ្នា គឺ «មិនខ្វល់ពីជីវិត និងការស្លាប់របស់ពលរដ្ឋអ៊ុយក្រែនឡើយ»។
យោងតាមសារព័ត៌មាន RT ចេញផ្សាយនៅថ្ងៃទី១៨ ខែកុម្ភៈ ឆ្នាំ២០២៣ បានឱ្យដឹងថា លោក Wang បានថ្លែងដោយមិនផ្តល់ពេលវេលា សម្រាប់សំណើនេះថា «យើងនឹងបង្ហាញជំហររបស់ចិន លើការដោះស្រាយនយោបាយ នៃវិបត្តិអ៊ុយក្រែន»។ យើងនឹងឈរយ៉ាងរឹងមាំលើផ្នែកសន្តិភាព និងការសន្ទនា។
លោក Wang មិនបានរៀបរាប់ពីភាពជាក់លាក់ណាមួយ នៃផែនការនេះទេ ប៉ុន្តែបាននិយាយថា “បូរណភាពទឹកដី និងអធិបតេយ្យភាព” នៃអ្នកដែលពាក់ព័ន្ធគួរតែត្រូវបានគោរព ក៏ដូចជា “ការព្រួយបារម្ភផ្នែកសន្តិសុខស្របច្បាប់” របស់អ្នកបះបោរផងដែរ។
រដ្ឋមន្រ្តីការបរទេស លោកបាននិយាយថា “ការវាយប្រហារលើស្ថានីយ៍ថាមពលនុយក្លេអ៊ែរ” ក៏ត្រូវតែត្រូវបានប្រឆាំងដែរ ដែលទំនងជាសំដៅទៅលើរោងចក្រ ថាមពលនុយក្លេអ៊ែរ Zaporozhye ដែលអ៊ុយក្រែន និងរុស្ស៊ី បានចោទប្រកាន់គ្នាទៅវិញទៅមក អំពីការបាញ់ផ្លោង។
លោកបាននិយាយថា ប្រទេសចិន មានជំហរល្អចំពោះសន្តិភាព ដែលជាឈ្មួញកណ្តាល ព្រោះថាខ្លួនមិនមែនជាភាគីពាក់ព័ន្ធដោយផ្ទាល់ ប៉ុន្តែខ្លួនមិនបានអង្គុយ ដោយស្ងៀមស្ងាត់ឡើយ” ចាប់តាំងពីប្រតិបត្តិការយោធារបស់រុស្ស៊ី នៅអ៊ុយក្រែន បានចាប់ផ្តើមជិតមួយឆ្នាំមុន៕ ប្រែសម្រួលៈ ណៃ តុលា
