ប៉េកាំង៖ បន្ទាប់ពីការតវ៉ានៅក្នុងប្រទេសអ៊ឺរ៉ុប មួយចំនួនប្រឆាំងនឹងការផ្គត់ផ្គង់អាវុធ ជាបន្តបន្ទាប់ដល់អ៊ុយក្រែន អ្នកជំនាញឲ្យដឹងថា ការបែងចែកនៅក្នុងសហភាពអឺរ៉ុប ក៏អាចនាំឱ្យមានការបែកបាក់នៅក្នុងអង្គការណាតូ ហើយការតវ៉ាជាសាធារណៈ បានឆ្លុះបញ្ចាំងពីភាព ខុសឆ្គងជាយុទ្ធសាស្ត្ររបស់ប្រទេសអ៊ឺរ៉ុប ដែលធ្វើឱ្យពលរដ្ឋរបស់ ពួកគេក្លាយជាជនរងគ្រោះដ៏ធំបំផុត។
យោងតាមកាសែត The Guardian មនុស្សរាប់ពាន់នាក់បានចូលរួមក្នុងបាតុកម្មកាលពីថ្ងៃសៅរ៍ នៅកណ្តាល ទីក្រុងប៊ែរឡាំង ដើម្បីតវ៉ាប្រឆាំងនឹងការផ្តល់អាវុធបន្ថែមទៀតដល់អ៊ុយក្រែន ដោយជំរុញឱ្យរដ្ឋាភិបាលអាល្លឺម៉ង់ បន្ថយវិបត្តិដោយត្រួសត្រាយផ្លូវ សម្រាប់ការចរចាជំនួសវិញ។
ប៉ូលីសបានប៉ាន់ប្រមាណថា មានមនុស្ស ១៣០០០នាក់នៅច្រកទ្វារ Brandenburg ។ The Guardian បានរាយការណ៍ថា បាតុកម្មស្រដៀងគ្នានេះបានកើតឡើងនៅក្នុងទីក្រុងផ្សេងទៀតរបស់អាល្លឺម៉ង់ផងដែរ។
ការតវ៉ានៅក្នុងប្រទេសអាល្លឺម៉ង់ គឺអាចព្យាករណ៍បាន ចាប់តាំងពីប្រទេសអាល្លឺម៉ង់ គឺជាប្រទេសមួយ ក្នុងចំណោ មប្រទេស ដែលរងផលប៉ះពាល់អវិជ្ជមានបំផុតដោយវិបត្តិអ៊ុយក្រែន នេះបើតាមលោក Gao Jian នាយកមជ្ឈមណ្ឌល សម្រាប់ការសិក្សា European Think Tank នៅសាកលវិទ្យាល័យ Shanghai International Studies បានប្រាប់ Global Times កាលពីថ្ងៃអាទិត្យ។
ផលប្រយោជន៍របស់អឺរ៉ុប មិនត្រឹមតែត្រូវបានបំផ្លាញដោយវិបត្តិថាមពល ដែលកាន់តែធ្ងន់ធ្ងរដល់អ៊ុយក្រែនប៉ុណ្ណោះទេ ថែមទាំងបានមកពីការអនុវត្តច្បាប់កាត់បន្ថយ អតិផរណារបស់ទីក្រុងវ៉ាស៊ីនតោន ដែលបានរុញអឺរ៉ុបឱ្យធ្លាក់ ចូលទៅក្នុងវិបត្តិសេដ្ឋកិច្ចកាន់តែជ្រៅ។
យោងតាមកាសែត The Guardian កាលពីពីរសប្តាហ៍មុន អ្នករៀបចំបាតុកម្មកាលពីថ្ងៃសៅរ៍បានបោះពុម្ពផ្សាយ “ការបង្ហាញដើម្បីសន្តិភាព” ដែលក្នុងនោះពួកគេបានជំរុញឱ្យអធិការបតីអាល្លឺម៉ង់លោក Olaf Scholz “បញ្ឈប់ការ បង្កើនទំហំនៃការចែកចាយអាវុធ” ។ វាត្រូវបានចុះហត្ថលេខាដោយមនុស្សប្រហែល ៦៥ម៉ឺននាក់ រួមទាំងបញ្ញវន្តលេចធ្លោ និងឥស្សរជននយោបាយផងដែរ។
គួរបញ្ជាក់ថា ជម្លោះរុស្ស៊ី-អ៊ុយក្រែន បានអនុញ្ញាតឱ្យសហរដ្ឋអាមេរិកសម្រេច បាននូវគោលដៅយុទ្ធសាស្ត្ររបស់ ខ្លួនក្នុងការសាបព្រួសជម្លោះរវាងរុស្ស៊ី និងអាល្លឺម៉ង់។
អធិការបតីអាល្លឺម៉ង់ លោក Olaf Scholz បានឲ្យដឹងនៅក្នុងបទសម្ភាសន៍តាមទូរទស្សន៍នាពេលថ្មីៗនេះថា លោកមិនឃើញ លទ្ធភាពណាមួយសម្រាប់កិច្ចចរចាសន្តិភាពនៅពេលនេះទេ៕
