អាមេរិក៖នេះបើយោងតាមការចេញផ្សាយពីគេហទំព័រឌៀលីម៉ែល បានប្រាប់ឲ្យដឹងថា អ្នកឯកទេសរកឃើញទូកកាណូជនជាតិដើមអាមេរិកអាយុ ៩៣០ ឆ្នាំដ៏អស្ចារ្យដែលជាផ្នែកមួយនៃកុលសម្ព័ន្ធ Waccamaw Siouan មកពីបឹង North Carolina បន្ទាប់ពីក្មេងប្រុសមួយក្រុមបានហែលទឹកនៅទីនោះកាលពី២ឆ្នាំមុន ទូកកាណូជនជាតិដើមអាមេរិកដែលមានអាយុជិតសហស្សវត្សរ៍ត្រូវបាននេសាទកាលពីថ្ងៃពុធដោយការិយាល័យបុរាណវិទ្យារដ្ឋ North Carolina និងកុលសម្ព័ន្ធ Waccamaw Siouan ជាមួយនឹងការរកឃើញមិនគួរឲ្យជឿរបស់ពួកគេត្រូវបានថតក្នុងវីដេអូ។
នេះបើយោងតាមរបាយការណ៍របស់ប្រព័ន្ធផ្សព្វផ្សាយក្នុងស្រុកបាននិយាយថា ទូកនេះត្រូវបានក្មេងប្រុសអាយុ ១៣ ឆ្នាំមួយក្រុមបានហែលប៉ះទូកនេះនៅឆ្នាំ ២០២១ ដោយអាជ្ញាធរបានជូនដំណឹង និងកំណត់ទីតាំងរបស់ទូកត្រូវបានសម្គាល់ ដើម្បីឲ្យទូកនេះត្រូវបានយកចេញដោយសុវត្ថិភាព។
ឥឡូវនេះ ២ ឆ្នាំក្រោយមក វីដេអូបង្ហាញពីពេលដែលវាត្រូវបានលើកចេញពីទឹករាក់ដោយក្រុមអ្នកមុជទឹក ពីក្រោមអ្វីដែលមើលទៅដូចជាជាន់ឈើ។ ក្រុមអ្នកមុជទឹក និងអ្នកស្ម័គ្រចិត្ដជាងរាប់សិបនាក់ត្រូវបានត្រូវការដើម្បីយកទូកកាណូប្រវែងជិត ៩ ម៉ែត្រដ៏ធំសម្បើមចេញពីទឹកបឹង។
លោក Michael Jacobs ប្រធាន Waccamaw Siouan បានពន្យល់ថា ទូកកាណូ មានប្រវែង៩ ម៉ែត្រនឹងផ្ទុកអ្នកក្លាហានជាច្រើននាក់។ យើងមានអារម្មណ៍ដូចជានៅក្នុងចិត្តរបស់យើង វាជាប្រវត្តិសាស្ត្រមួយដែលយើងនៅតែស្វែងយល់ ព្រោះនេះជាលើកដំបូងដែលយើងទទួលបាន៕ដោយ៖លី ភីលីព
