ហាវ៉ាណា៖ របាយការណ៍ថ្មីៗ របស់ទីភ្នាក់ងារសារព័ត៌មានគុយបា Prensa Latina បានចុះផ្សាយថា អត្រាមរណភាពមាតានៅក្នុងសហរដ្ឋអាមេរិក គឺខ្ពស់ជាងប្រទេសអភិវឌ្ឍន៍ដទៃទៀត។របាយការណ៍នេះបានឲ្យដឹងថា នៅឆ្នាំ២០២១ សហរដ្ឋអាមេរិក បានឃើញចំនួនអត្រាមរណភាពមាតា ខ្ពស់បំផុតក្នុងរយៈពេល ៦ទសវត្សរ៍។
របាយការណ៍បានឲ្យដឹងថា តួលេខបានបង្ហាញថា ការស្លាប់របស់មាតានៅសហរដ្ឋអាមេរិក បានកើនឡើង ៤០ ភាគរយក្នុងឆ្នាំ ២០២១ បើធៀបនឹងឆ្នាំ២០២០ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិន ស៊ិនហួ។
របាយការណ៍បានបន្ថែមថា តាមពិត អត្រាមរណភាពមាតា នៅសហរដ្ឋអាមេរិក គឺខ្ពស់ជាងប្រទេសអភិវឌ្ឍន៍ដទៃទៀត ១០ដង។ របាយការណ៍បានឲ្យដឹងថា ការសិក្សាលើតួលេខក៏បានបង្ហាញផងដែរថា អត្រាមរណភាពមាតាក្នុងចំណោមស្ត្រីអាហ្រ្វិកអាមេរិកាំង គឺខ្ពស់ជាងស្ត្រីស្បែកសនៅសហរដ្ឋអាមេរិក ដល់ទៅ ២,៣ ដង៕ ប្រែសម្រួល ឈូក បូរ៉ា
