អាមេរិក ៖ នេះយោងតាមការចេញផ្សាយពីគេហទំព័រ MSN បានប្រាប់ឲ្យដឹងថា ល្បឿនដែលប្រព័ន្ធបញ្ញាសិប្បនិមិត្ត (AI) កំពុងអភិវឌ្ឍ ហើយនឹងសមត្ថភាពដ៏ខ្លាំងបំផុតរបស់វា បានធ្វើឲ្យយោធា និងអ្នកជំនាញខាងបច្ចេកវិទ្យាខ្លះឆ្ងល់ថា តើវាមានសមត្ថភាពធ្វើបានប៉ុន្មានទៀត។
លោក Sen. Roger Marshall, R-Kan. បម្រើការនៅគណៈកម្មាធិការសន្តិសុខមាតុភូមិបាននិយាយថា វាពិតជានាំខ្ញុំត្រឡប់ទៅទសវត្សរ៍ឆ្នាំ ១៩៣០, ១៩៤០ , ១៩៥០ និងរូបវិទ្យានុយក្លេអ៊ែរ។
យើងដឹងភ្លាមៗថា រូបវិទ្យានុយក្លេអ៊ែរអាចបង្កើតថាមពលបាន ប៉ុន្តែយើងក៏បានដឹងថា វាអាចក្លាយទៅជាគ្រាប់បែកអាតូម។
លោក Marshall គឺជាសមាជិកសភាម្នាក់ ក្នុងចំណោមសមាជិកសភាជាច្រើនដែលប្រាប់ NewsNation ថា ការអភិវឌ្ឍន៍យ៉ាងឆាប់រហ័សនៃបច្ចេកវិទ្យា AI គឺជៀសមិនរួច ប៉ុន្តែសភាគួរតែដាក់ផ្លូវការពារដើម្បីធានាថា វាមិនត្រូវបានគេប្រើប្រាស់ខុស។
លោកឧត្តមសេនីយ៍ទោ William Enyart កងទ័ពអាកាសចូលនិវត្តន៍បាននិយាយថា យើងត្រូវតែមានការព្រួយបារម្ភយ៉ាងខ្លាំង ចំពោះអ្វីដែលយើងបាននិយាយពីផលវិបាក ដែលមិននឹកស្មានដល់។
សំឡេងនៃការប្រុងប្រយ័ត្នបានកើតឡើង ខណៈរបាយការណ៍បានលេចចេញពីយោធា កំពុងជាប់គាំងជាមួយនឹងគំនិត នៃសេណារីយ៉ូដែលយន្តហោះគ្មានមនុស្សបើកបំពាក់ដោយ AI ត្រូវបានបំពាក់ដោយអាវុធ។
លោក Enyart បានព្រមានថា មិនថាយើងកំពុងនិយាយអំពីការសាងសង់របស់ចិន ឬយើងសាងសង់វា ឬអ៊ីរ៉ង់ សង់វា ពេលវាបានសាងសង់ អ្នកមិនអាចរក្សាវាជាការសម្ងាត់បានទេ។
នោះនឹងមិនកើតឡើងទាល់តែសោះ ហើយនោះមិនមែនជាវិធីដែលវិទ្យាសាស្ត្រ ធ្វើនោះទេ។
កាលពីថ្ងៃសុក្រ រដ្ឋាភិបាលកុម្មុយនិស្តចិន តាមសេចក្តីរាយការណ៍ បានសម្តែងការព្រួយបារម្ភស្រដៀងគ្នា អំពីការបំពាក់អាវុធរបស់ AI។
ទន្ទឹមនឹងនេះ សូម្បីតែអ្នកដែលបានជួយអភិវឌ្ឍបច្ចេកវិទ្យា បានចេញការព្រមានដល់សមាជិកសភា។
កាលពីខែមុន នាយកប្រតិបត្តិ OpenAI លោក Sam Altman បានប្រាប់សមាជិកសភានៅ Capitol Hill ថា មនុស្សអាចបាត់បង់ការគ្រប់គ្រងរបស់ AI ៕ ដោយ៖លី ភីលីព
