អមេរិក ៖ នេះយោងតាមការចេញផ្សាយពីគេហទំព័រ អឹម អេស អិន បានប្រាប់ឲ្យដឹងថា មហាសេដ្ឋីលំដាប់ពិភពលោក លោក Elon Musk ទើបតែបានព្រមានម្តងហើយម្តងទៀត ដែលលោកបានចេញកាលពីខែកញ្ញាឆ្នាំមុន ពីសេដ្ឋកិច្ចអាមេរិកមានហានិភ័យយ៉ាងខ្លាំង ដោយសារតែការកើនឡើងអត្រាការប្រាក់ជាបន្តបន្ទាប់ដោយ Federal Reserve។
ដូចដែលបានរំពឹងទុកនៅថ្ងៃទី ១៤ ខែមិថុនា Federal Reserve បានទុកអត្រាការប្រាក់សំខាន់ៗរបស់ខ្លួនមិនផ្លាស់ប្តូរ ជាលើកទីមួយចាប់តាំងពីខែមីនា ឆ្នាំ ២០២២ ប៉ុន្តែវាបើកទ្វារដល់ការកើនឡើងចំនួន២បន្ថែមទៀតនៃចំណុចមួយភាគបួននៅដំណាច់ឆ្នាំនេះ។
ដូច្នេះគោលដៅអត្រាមូលនិធិសហព័ន្ធនៅតែស្ថិតនៅ ៥ – ៥.២៥ភាគរយដូចដែលត្រូវបានរំពឹងទុកដោយអ្នកជំនាញភាគច្រើន។
ប្រធាន Fed លោក Jerome Powell បានសង្កត់ធ្ងន់នៅសន្និសីទសារព័ត៌មានថា សមាជិក នៃគណៈកម្មាធិការទីផ្សារបើកចំហសហព័ន្ធ (FOMC) គឺពេញចិត្តក្នុងការបន្តបង្កើនអត្រាការប្រាក់។ លោកបញ្ជាក់ថា គ្មានការសម្រេចណាមួយត្រូវបានធ្វើឡើងសម្រាប់កិច្ចប្រជុំខែកក្កដានោះទេ។
ការព្យាករសេដ្ឋកិច្ចថ្មីបង្ហាញថាការរំពឹងទុកជាមធ្យមរបស់មន្ត្រីរូបិយវត្ថុឃើញថាអត្រាគន្លឹះសំខាន់នឹងកើនឡើងដល់ ៥,៥ – ៥,៧៥ ភាគរយនៅចុងខែធ្នូ។
គោលនយោបាយរូបិយវត្ថុដ៏គឃ្លើននេះ មានគោលបំណងប្រយុទ្ធប្រឆាំងនឹងអតិផរណាដែលស្ថិតក្នុង កម្រិតដែលមិនបានឃើញអស់រយៈពេលជាច្រើនទសវត្សរ៍មកហើយ ប៉ុន្តែមានផលវិបាកដែលមិននឹកស្មានដល់ ដូចជាការបង្កើនល្បឿន នៃការធ្លាក់ចុះសេដ្ឋកិច្ចនេះបើយោងតាមអ្នកសេដ្ឋកិច្ចមួយចំនួន។
ការព្យាករណ៍របស់ Fed បានបង្ហាញថាកំណើន GDP របស់សហរដ្ឋអាមេរិក នៅឆ្នាំនេះនឹងមានចំនួន ១ភាគរយ ហើយអត្រាគ្មានការងារធ្វើនឹងមាន ៤.១ភាគរយធ្លាក់ចុះពី ៤.៥ភាគរយ បានព្យាករណ៍ពីមុន កាលខែឧសភា អត្រាគ្មានការងារធ្វើគឺ ៣.៧ភាគរយ ដូច្នេះសេដ្ឋកិច្ចខ្លាំងជាងការរំពឹងទុក បង្ហាញពីការថយចុះនៃអតិផរណា៕ ដោយ៖លី ភីលីព
