អាមេរិក ៖ យោងតាមការចេញ ផ្សាយពីគេហទំព័រ kyodo បានប្រាប់ឲ្យដឹងថា ក្រុមអន្តរជាតិមួយ កំពុងតស៊ូស្វែងរកទីតាំង និងជួយសង្គ្រោះនាវាមុជទឹក ដែលបានបាត់ខ្លួន នៅមហាសមុទ្រអាត្លង់ទិក ភាគខាងជើង នៃប្រទេសកាណាដា កាលពីថ្ងៃអាទិត្យ ក្នុងអំឡុងពេលដំណើរកម្សាន្តក្រោមសមុទ្រ ដើម្បីមើលបំណែក នៃកប៉ាល់ទីតានិចបានលិច ។
ឆ្មាំឆ្នេរសមុទ្រអាមេរិក បាននិយាយ កាលពីថ្ងៃពុធថា យន្តហោះកាណាដា មួយគ្រឿង បានរកឃើញសំឡេងរំខាន មិនស្គាល់អត្តសញ្ញាណ ក្នុងតំបន់រុករកនៅថ្ងៃដដែល ជាមួយនឹងនាឡិកាគូស នៅមុនពេលមនុស្សទាំង ៥ នាក់ នៅលើយន្តហោះ ត្រូវបានគេរំពឹងថា នឹងអស់អុកស៊ីសែន នៅព្រឹកថ្ងៃព្រហស្បតិ៍ ។
លោកអនុសេនីយ៍ឯក Jamie Frederick នៅតំបន់ឆ្មាំសមុទ្រទីមួយ របស់សហរដ្ឋអាមេរិក បានប្រាប់អ្នកយកព័ត៌មានថា ទាក់ទងនឹងសំឡេង រំខានជាពិសេសយើងមិនដឹងថា វាជាអ្វីឡើយ ។ យន្តមុជទឹកកាណាដាមួយគ្រឿងក៏បាន ឮសំឡេងរំខាន ក្នុងតំបន់កាលពីថ្ងៃអង្គារ ។ ក្រុមដែលរួមមានអាជ្ញាធរ សហរដ្ឋអាមេរិក កាណាដា និងបារាំង នឹងបន្តដាក់ពង្រាយយន្តមុជទឹក ទូក និងឧបករណ៍ផ្សេងៗទៀត។
នេះបើយោងតាមឆ្មាំឆ្នេរសមុទ្រ បាននិយាយថា នាវាមុជទឹក Titan ដែលដំណើរការដោយក្រុមហ៊ុនអាមេរិក OceanGate Inc. បានបាត់ខ្លួនជិត២ម៉ោង បន្ទាប់ពីវាបានចុះទៅក្នុងសមុទ្រកាលពីព្រឹកថ្ងៃអាទិត្យ ។ លោក Stockton Rush ជានាយកប្រតិបត្តិរបស់ក្រុមហ៊ុន គឺ ជាអ្នកបើកយន្តហោះ ខណៈ មនុស្ស ៤ នាក់ផ្សេងទៀតនៅលើយន្ត គឺជាអ្នកជំនួញជនជាតិអង់គ្លេស អ្នកជំនាញសមុទ្របារាំង និងអ្នកជំនួញអង់គ្លេស-ប៉ាគីស្ថាន ជាមួយកូនប្រុសជំទង់របស់គាត់ ។
នេះបើយោងតាមប្រព័ន្ធផ្សព្វផ្សាយ អាមេរិកថា អ្នកទាំង ៥ នាក់ កំពុងធ្វើដំណើរទៅកាន់ចំណុចមួយ នៅចម្ងាយប្រហែល ៧០០ គីឡូម៉ែត្រ ពីភាគខាងត្បូង នៃ St. John’s នៅលើកោះ Newfoundland នៃប្រទេសកាណាដា និង ជម្រៅប្រហែល ៣៨០០ ម៉ែត្រ ជាកន្លែងដែលបំណែក នៃនាវាដឹកអ្នកដំណើរ ដ៏ប្រណិតស្ថិតនៅ ។ កប៉ាល់ទីតានិកបានលិច ក្នុងខែមេសា ឆ្នាំ១៩១២ បន្ទាប់ពីបានបុកជាមួយផ្ទាំងទឹកកក ដែលបណ្តាលឲ្យមនុស្ស ប្រហែល ១៥០០ នាក់បានស្លាប់ ៕
