អេហ្ស៊ីប៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី៥ ខែសីហា ឆ្នាំ២០២៣ថា អ្នកចូលចិត្តមុជទឹក នាពេលឥឡូវនេះអាចចុះទៅក្នុងទឹកសមុទ្រក្រហមដើម្បីចុះទៅទស្សនាបាន ខណៈដែលសារមន្ទីរយោធាក្រោមទឹកដំបូងរបស់ប្រទេសអេហ្ស៊ីបបានបើកដំណើរការនៅក្នុងសប្តាហ៍នេះ ។
លោកស្រី Yasmine Fouad រដ្ឋមន្ត្រីក្រសួងបរិស្ថានរបស់ប្រទេសអេហ្ស៊ីប បានថ្លែងនៅក្នុងពិធីសម្ពោធកាលពីល្ងាចថ្ងៃព្រហស្បតិ៍ថា “កន្លែងមុជទឹកថ្មីនឹងទទួលយកម៉ាស៊ីនកងទ័ពចាស់ៗ ចំនួន១៥គ្រឿងនៅក្នុងទីតាំងជាក់លាក់ … វាត្រូវចំណាយពេល៧ឆ្នាំ នៃការរៀបចំផែនការយ៉ាងប្រុងប្រយ័ត្នដើម្បីរៀបចំកន្លែងទាំងនេះបាន” ។
សម្រាប់ការចាប់ផ្តើមដំណើរការនេះដែរ រថពាសដែកចំនួនគ្រឿងត្រូវបានពន្លិច ដើម្បីធ្វើជាជម្រកសម្រាប់ផ្កាថ្មដែលបង្កើតថ្មប៉ប្រះទឹក នៅឯឆ្នេរសមុទ្រ Hurghada ដែលជាកន្លែងមុជទឹកដ៏ល្បីល្បាញលើពិភពលោក ដូច្នេះដើម្បីបង្កើតកន្លែងមុជទឹកថ្មី និងបង្វែរមនុស្សចេញពីកន្លែងដែលមានមនុស្សច្រើនកកកុញ ។
លោកស្រី Fouad បានថ្លែងថា “នេះរួមចំណែកដល់ការបន្ធូរបន្ថយសម្ពាធលើកន្លែងមុជទឹកបច្ចុប្បន្ន និងការថែរក្សាសម្បត្តិធម្មជាតិនៃតំបន់នេះ” ដោយបន្ថែមការបំផ្លាញសិប្បនិម្មិតនឹងជួយបង្កើតបរិយាកាសសម្រាប់ការរីកលូតលាស់នៃផ្កាថ្ម និងសារពាង្គកាយសមុទ្របានផងដែរ ។
យោងតាមអ្នកសាងសង់សារមន្ទីរ បានឲ្យដឹងថា យានជំនិះដែលបានជ្រើសរើសត្រូវបានទុកចោលអស់រយៈពេលជាច្រើនទសវត្សរ៍មកហើយ ហើយផ្នែកទាំងអស់ដែលអាចបង្កគ្រោះថ្នាក់ត្រូវបានដកចេញមុនពេលដាក់ចូលទៅក្នុងទឹកដើម្បីបង្កើតជារុក្ខជាតិដុះចិញ្ចឹមដល់ផ្កាថ្ម ។
សារមន្ទីរនេះ គឺជាលទ្ធផលនៃកិច្ចសហប្រតិបត្តិការរវាងកងកម្លាំងប្រដាប់អាវុធអេហ្ស៊ីប ក្រសួងបរិស្ថាន ក្រសួងទេសចរណ៍ និងវត្ថុបុរាណ និងសមាគមការពារ និងអភិរក្សបរិស្ថាន Hurghada ហៅកាត់ថា (HEPCA) ៕
