អ៊ីស្រាអែល ៖ យោងតាមការចេញផ្សាយ ពីគេហទំព័រ Sputnik បានប្រាប់ឲ្យដឹងថា មុនពេលធ្វើការលាតត្រដាង ចុងក្រោយបង្អស់ ត្រូវបានធ្វើឡើង ដោយមន្ត្រីប្រទេស អ៊ីស្រាអែលនេះ ខ្លោងទ្វារត្រូវគេស្គាល់ថា ចំណាស់ជាងគេបំផុត ដែលបានរកឃើញក្នុងរដ្ឋនេះ ត្រូវបានចុះកាលបរិច្ឆេទប្រហែល ៣ សតវត្សក្រោយមកនៅ Tel Arad ។
ក្រុមអ្នកបុរាណវិទ្យា ប្រទេសអ៊ីស្រាអែល បានបង្កើតរបកគំហើញដ៏ គួរឲ្យភ្ញាក់ផ្អើលមួយ ដោយបានរកឃើញខ្លោងទ្វារ ទីក្រុងមានអាយុកាល ៥៥០០ ឆ្នាំដ៏អស្ចារ្យនៅ Tel Erani ។ ការរកឃើញដ៏គួរឲ្យកត់សម្គាល់ ត្រូវបានប្រកាសដោយអាជ្ញាធរ វត្ថុបុរាណ របស់អ៊ីស្រាអែល បង្ហាញពន្លឺថ្មីអំពីប្រវត្តិសាស្ត្រ របស់ប្រទេស ដោយអួតពីចំណងជើង នៃខ្លោងទ្វារទីក្រុងត្រូវគេស្គាល់ថា ចាស់ជាងគេរបស់អ៊ីស្រាអែល ។
មិនដូចសំណង់ឥដ្ឋភក់ធម្មតាឡើយ ខ្លោងទ្វារនេះឈរជាសក្ខីភាព មួយចំពោះភាពប៉ិនប្រសប់ផ្នែកវិស្វកម្មបុរាណ ដោយរចនាឡើងពីប្លុកថ្ម ដ៏ធំសម្បើមពីយុគសម័យ សំរិទ្ធដំបូង។ ជាមួយនឹងកម្ពស់ដ៏គួរឲ្យចាប់អារម្មណ៍ គឺប្រវែង ១.៥ ម៉ែត្រ ខ្លោងទ្វារនេះបង្ហាញពីផ្លូវថ្ម ចូលទៅក្នុងជញ្ជាំងទីក្រុង នៅខាងមុខដោយប៉មយាមថ្ម ដ៏រឹងមាំ ២ ។
សមាសភាពស្ថាបត្យកម្ម នៃខ្លោងទ្វារនេះ បានធ្វើឲ្យអ្នកបុរាណវិទូ មានការចាប់អារម្មណ៍ជាពិសេស ដោយសារតែការ រួមរស់ជាមួយគ្នា នៃទ្វារមួយផ្សេងទៀត ដែលសាងសង់ពីសម្ភារៈឥដ្ឋភក់ តាមទម្លាប់ស្រប តាមការតាំង ទីលំនៅនៅសល់ ។ ការវិភាគដោយប្រុងប្រយ័ត្ន នៃបំណែកគ្រឿងស្មូន បានរកឃើញនៅជាប់នឹង ខ្លោងទ្វារបានបង្ហាញថា សំណង់ទាំងពីរត្រូវបានប្រើប្រាស់ ក្នុងពេលដំណាលគ្នា ក្នុងសម័យនោះ ។
ខ្លោងទ្វារបុរាណ បានបំពេញតួនាទី២ គឺដើរតួជាបន្ទាយការពារ និងតំណាងជានិមិត្តរូប នៃអំណាចនយោបាយ សង្គម និងសេដ្ឋកិច្ច ក្នុងអំឡុងពេល ដែលព្រះរាជាណាចក្រខាងលើ និងខាងក្រោម នៃប្រទេសអេហ្ស៊ីបកំពុងបញ្ចូលគ្នា។ ការរួបរួមនៃចក្រភពទាំងនេះបានសម្គាល់ការបញ្ចប់នៃយុគសម័យសំរិទ្ធ ៕ ដោយ៖លី ភីលីព
