ទីក្រុងញូវយ៉ក ៖ យោងតាមការចេញផ្សាយ ពីគេហទំព័រ RT បានប្រាប់ឲ្យដឹងថា ទីក្រុងញូវយ៉កបានហាមប្រាម TikTok នៅលើឧបករណ៍ ដែលគ្រប់គ្រង ដោយរដ្ឋាភិបាល ដោយក្លាយជាយុត្តាធិការ ចុងក្រោយបង្អស់ របស់អាមេរិក ក្នុងការទប់ស្កាត់លើវេទិកាគ្រប់គ្រង ដោយចិនជុំវិញការព្រួយ បារម្ភអំពីសុវត្ថិភាព អ៊ីនធើណេត ហើយការហាមប្រាម របស់ទីក្រុងនឹង ប៉ះពាល់ដល់គណនី TikTok ផ្ទាល់ខ្លួនមួយចំនួន ។
ការផ្លាស់ប្តូរនេះ ត្រូវបានប្រកាសកាលពីថ្ងៃពុធ ដោយភ្នាក់ងារ និងនិយោជិត របស់ទីក្រុងបានផ្តល់ពេល ៣០ ថ្ងៃដើម្បីលុបកម្មវិធីចេញពីស្មាតហ្វូន និងឧបករណ៍ របស់ក្រុង បណ្តាញ និងកុំព្យូទ័រ ដែលគ្រប់គ្រងដោយទីក្រុង នឹងមិនអាចចូលប្រើវេទិកាចាប់ពី ចំណុចនោះតទៅទៀតទេ ។
អ្នកនាំពាក្យរបស់អភិបាលក្រុង Eric Adams បាននិយាយថា ការហាមប្រាមនេះ ត្រូវបានដាក់នៅពេល TikTok បង្កការគំរាមកំហែង សន្តិសុខដល់បណ្តាញ បច្ចេកទេសរបស់ទីក្រុង ។
រដ្ឋញូវយ៉កបានហាមឃាត់ TikTok នៅលើឧបករណ៍ចល័ត ចេញដោយរដ្ឋរួចហើយ ខណៈរដ្ឋជាង ២០ របស់សហរដ្ឋអាមេរិក និងទីក្រុងមួយចំនួន បានចេញការបញ្ជា ទិញ ស្រដៀងគ្នានេះ ក្នុងប៉ុន្មានខែថ្មីៗនេះ ។ កាលពីខែកុម្ភៈ សេតវិមានបានបញ្ជា ឲ្យភ្នាក់ងារសហព័ន្ធទាំងអស់ លុបកម្មវិធីចេញ ពីឧបករណ៍ ដែលគ្រប់គ្រងដោយរដ្ឋាភិបាល ដោយក្រឹត្យនេះត្រូវបានពង្រីកគ្រប ដណ្តប់លើអ្នកម៉ៅការ របស់រដ្ឋាភិបាលនៅដើមរដូវក្តៅនេះ។
ទាំង FBI និងគណៈកម្មការទំនាក់ទំនងសហព័ន្ធបានអះអាងថា TikTok អាចបញ្ជូនទិន្នន័យអ្នកប្រើប្រាស់ ទៅរដ្ឋាភិបាលចិន។ TikTok ទទូចថា វាមិនបានចែករម្លែក និងនឹងមិនចែម្រំលែកទិន្នន័យ អ្នកប្រើប្រាស់អាមេរិក ជាមួយរដ្ឋាភិបាលចិន ហើយបានចាត់វិធានការ ជាច្រើនដើម្បីការពារឯកជនភាព និងសុវត្ថិភាពរបស់អ្នកប្រើ ប្រាស់ TikTok។ ក្រសួងការបរទេសចិនបានចោទប្រកាន់សហរដ្ឋអាមេរិកថា រំលោភអំណាចរដ្ឋ ដើម្បីគាបសង្កត់ក្រុមហ៊ុ នបរទេស ហើយបដិសេធយ៉ាង ដាច់អហង្ការចំពោះការប្រើប្រាស់កម្មវិធី ដើម្បីធ្វើចារកម្ម ។
នេះបើយោងតាមកាសែត New York Times ថា គិតត្រឹមថ្ងៃពុធ គណនី TikTok ដែលជាកម្មសិទ្ធិរបស់ Adams និងនាយកដ្ឋានអនាម័យ និងឧទ្យាន និងការកម្សាន្តរបស់ទីក្រុងទាំងអស់ បានផ្ញើសារថា គណនីនេះត្រូវបានដំណើរការដោយ NYC រហូតដល់ខែសីហា ឆ្នាំ២០២៣ ។ វាមិនត្រូវបានត្រួតពិនិត្យទៀតទេ ៕
ដោយ៖លី ភីលីព
