បរទេស ៖ រដ្ឋាភិបាលទីក្រុងគៀវកំពុងត្រៀមផែនការ វាយប្រហារបន្ថែមទៀត ទៅលើតំបន់ Crimea ក្នុងរយៈពេលជាច្រើនថ្ងៃខាងមុខនេះ នេះបើយោងតាមការបញ្ជាក់ ដោយប្រធានទីភ្នាក់ងារស៊ើបការណ៍សំងាត់ អ៊ុយក្រែន ដែលហៅកាត់ថា GURលោក Kirill Budanov ។
ថ្លែងទៅកាន់ក្រុមអ្នកយកព័ត៌មានក្នងស្រុក ITV លោក Budanov បានអះអាងថា៖មនុស្សជាច្រើននៅឧបទ្វីបនេះ ដែលកំពុងទន្ទឹងរង់ចាំយ៉ាងខ្លាំងចំពោះការវិលត្រឡប់មកវិញ នៃការគ្រប់គ្រងរបស់អ៊ុយក្រែន ហើយបញ្ជាក់ទៀតថារដ្ឋាភិបាលក្រុងកៀវ ត្រូវការបង្កើនទំនុកចិត្តពីសំណាក់ ពលរដ្ឋទាំងនោះ។
លោកបន្តថា នោះហើយជាមូលហេតុ ដែលគំនិតផ្តួចផ្តើមដ៏មានសារៈសំខាន់ណាស់ ដែលនេះពាក់ព័ន្ធនឹងការតស៊ូ ក្នុងទឹកដីដែលកាន់កាប់ជាបណ្ដោះអាសន្នដោយរុស្សី និងការដកអ្នកគ្រប់គ្រង ចេញពីតំបន់Crimeaរបស់យើង ។ សកម្មភាពរបស់យើងបានបង្ហាញ ឱ្យឃើញហើយឥឡូវនេះ ជាមួយនឹងអ្វីៗជាច្រើនទៀត ដែលនឹងកើតឡើង នៅប៉ុន្មានថ្ងៃខាងមុខនេះ ។
គួរឲ្យដឹងដែរថា អ៊ុយក្រែនបានបង្កើនការវាយប្រហារ របស់ខ្លួនលើតំបនCrimea ក្នុងប៉ុន្មានសប្តាហ៍ថ្មីៗនេះ ដោយបានកំណត់គោលដៅលើស្ពានពីTamanទៅក្រុង Kerch ដោយមានទាំងយន្តហោះគ្មានមនុស្ស តាមផ្លូវអាកាសផង និងសមុទ្រផងព្រមទាំងមីស៊ីលចំងាយឆ្ងាយ ដែលផ្តល់ដោយលោកខាងលិចផង ៕
ប្រែសម្រួល៖ស៊ុនលី
