អាហ្សង់ទីន ៖ ផ្កាយ T. Tauri ត្រូវបានបង្កើតឡើងថ្មី ហើយត្រូវបាន គេស្គាល់ថា សម្រាប់ភាពប្រែប្រួល តាមកាលកំណត់ និងចៃដន្យ នៃពន្លឺដែលមាន អាយុតិច ជាង ១០ លានឆ្នាំ ពួកគេមិនទាន់មានការលាយ នុយក្លេអ៊ែរកើតឡើង ក្នុងស្នូល របស់ពួកគេនៅឡើយទេ យោងតាមការចេញ ផ្សាយពីគេហទំព័រ Sputnik បានប្រាប់ឲ្យដឹងថា ។
ការរកឃើញដំបូងគេមានឈ្មោះថា ផ្កាយ T. Tauri ត្រូវបានរកឃើញក្នុង ក្រុមផ្កាយនិករ Taurus ។ អ្នកវិទ្យាសាស្ត្រមកពីប្រទេសអាហ្សង់ទីន និងអេស្បាញបានរកឃើញ ភស្តុតាងអាចសង្កេតបាន នៃផ្កាយវ័យក្មេង ដែលបញ្ចេញកាំរស្មីហ្គាម៉ាជាលើកដំបូង ។
ក្រុមតារាវិទូបានប្រើតេឡេ ស្កុបផ្កាយរណប Fermi ដែលមើលឃើញសកលលោកក្នុងកាំរស្មីហ្គាម៉ា ហើយបានសង្កេតឃើញផ្កាយ T. Tauri បញ្ចេញពន្លឺនៃវិទ្យុសកម្មហ្គាម៉ា ពួកគេបានសម្គាល់ថា ជា តំបន់ថាមពលខ្លាំងបំផុតនៃវិសាលគមអេឡិចត្រូម៉ាញ៉េទិច។ ផ្កាយ T. Tauri នៅតែស្ថិតក្នុងដំណើរ ការបង្កើត ហើយមានម៉ាសទាប ហើយថាសឧស្ម័ន និងធូលីដែលធ្វើគន្លងជុំវិញពួកវា អាចដើរតួជាដីកំណើតសម្រាប់ភព និងសេឡេស្ទាល ក៏ប្រែប្រួលខ្លាំងដែរ ។
អ្នកដឹកនាំការសិក្សា និង តារាវិទូនៅសាកលវិទ្យាល័យ Universidad Nacional de La Plata លោក Agostina Filócomo បាននិយាយក្នុង សេចក្តីថ្លែងការណ៍មួយថា ភ័ស្តុតាងសង្កេតនេះ គឺមានសារសំខាន់ សម្រាប់ការយល់ដឹងពីប្រភពដើម នៃប្រភព ដែលពីមុននៅតែមិនស្គាល់អស់ រយៈពេលជាងមួយទសវត្សរ៍មកហើយ ជាជំហានឆ្ពោះទៅមុខ ក្នុងវិស័យតារាសាស្ត្រ ។
សេចក្តីថ្លែងការណ៍ថា វាមានសារសំខាន់ នៃការយល់ដឹងអំពីដំណើរការ ដែលកើតឡើងក្នុងដំណាក់កាលដំបូង នៃការបង្កើតផ្កាយ។ ប្រសិនបើផ្កាយ T Tauri ផលិតវិទ្យុសកម្មហ្គាម៉ា វានឹងប៉ះពាល់ដល់លក្ខខណ្ឌឧស្ម័ន នៃថាស protoplanetary ហើយជាលទ្ធផលការវិវត្ត នៃការបង្កើតភព ៕
ដោយ៖លី ភីលីព
