រដ្ឋតិចសាស់ ៖ នៅពេល ដែលកម្រិតទឹកបានស្រកចុះ ដោយសារតែលក្ខខណ្ឌ អាកាសធាតុខ្លាំង អ្នកស្ម័គ្រចិត្តនៅឧទ្យាន Dinosaur Valley State Park មានទីតាំងនៅភាគខាងត្បូង នៃទីក្រុង Dallas បានជំពប់ដួលលើកំណប់ ដ៏គួរឲ្យភ្ញាក់ផ្អើល គឺស្នាមជើង សម័យបុរេប្រវត្តិសាស្ត្រ យោងតាមការចេញ ផ្សាយពីគេហទំព័រ Sputnik ។
រដ្ឋតិចសាស់ ចំពេលរដូវក្តៅដ៏ក្តៅគគុក និងគ្រោះរាំងស្ងួតកាន់តែអាក្រក់ បានបង្ហាញជាថ្មីម្តងទៀត នូវការរកឃើញដ៏គួរឲ្យកត់សម្គាល់ ពោលគឺការរកឃើញ ស្នាមជើងដាយណូស័រយក្សត្រូវគេជឿថា មានអាយុកាលប្រហែល ១១០ លានឆ្នាំ ។
លោក Paul Baker ជាអ្នកគ្រប់គ្រងផ្នែកលក់រាយ របស់ឧទ្យានបាននិយាយថា ខ្ញុំមិនដែលឃើញស្នាមជើងដាយណូស័រច្រើននេះពីមុនមកទេ។ វាគួរឲ្យរំភើបណាស់ ដែលបានឃើញអ្វីមួយ ដែលគ្មាននរណាម្នាក់បានឃើញ វាស្ទើរតែដូចជាការប្រមាញ់កំណប់ ។
សម្រាប់លោក Baker ដែលធំធាត់នៅឧទ្យាន Dinosaur Valley State Park ហើយឥឡូវនេះធ្វើអាជីវកម្ម នៅក្នុងតំបន់នេះ ដោយរួមចំណែកដល់ការ រកឃើញផ្លូវដាយណូស័រ មានអត្ថន័យពិសេស ។ វាជាមធ្យោបាយសម្រាប់ លោកក្នុងការប្រគល់ទៅកន្លែងមួយ និងសហគមន៍ដែលលោកស្រឡាញ់ ហើយវាមានតួនាទីសំខាន់ ក្នុងការចិញ្ចឹមបីបាច់លោក ។
ឧទ្យាន Dinosaur Valley State Park ជាជម្រកដ៏យូរលង់មួយ សម្រាប់អ្នកចូលចិត្តដាយណូស័រ និងអ្នកទេសចរ ដោយសារតែវាមានច្រើនក្រៃលែងនៃផ្លូវ Sauropod និង Theropod មានអាយុកាលប្រហែល ១១៣ លានឆ្នាំមុន ។ ជាធម្មតា អ្នកទស្សនានឹងសម្រុកទៅកាន់ទន្លេ Paluxy ដែលស្ងួតនៅពេលនេះ ដើម្បីធ្វើសកម្មភាពដូចជា ការនេសាទ ការហែលទឹក និងការជិះទូកកាយ៉ាកជាដើម ៕
