តេឡេស្កុបធំ ដ៏មានឥទ្ធិពលបំផុត បស់ពិភពលោក ដាក់ឲ្យដំណើរ ការជាផ្លូវការហើយ

ចិន ៖ យោងតាមការចេញ ផ្សាយពីគេហទំព័រឆៃណាឌៀលី បានប្រាប់ឲ្យដឹងថា រូបភាពដ៏អស្ចារ្យនៃ Andromeda Galaxy ស្ថិតនៅចម្ងាយជាង ២ លានឆ្នាំពន្លឺពីផែនដី ត្រូវបានគេចេញផ្សាយ ស្របពេលជាមួយនឹងតេឡេស្កុប ដ៏មានឥទ្ធិពលបំផុត នៅអឌ្ឍគោលខាងជើង ត្រូវបានដាក់ឲ្យដំណើរការ ដោយបង្ហាញពីសមត្ថភាពរបស់វា ។

តេឡេស្កុបអង្កេតដ៏ធំបំផុត របស់ប្រទេសចិន ត្រូវបានដាក់ឲ្យដំណើរ ការកាលពីថ្ងៃអាទិត្យនៅខេត្ត Qinghai ភាគពាយ័ព្យ នៃប្រទេសចិន ដែលបង្កើតឡើង ដោយសាកលវិទ្យាល័យ វិទ្យាសាស្រ្ត និង បច្ចេកវិទ្យានៃប្រទេសចិន និងក្រុមអង្កេត ការណ៍ភ្នំពណ៌ ស្វាយ នៃបណ្ឌិត្យសភាវិទ្យាសាស្ត្រចិន ។

នេះបើយោងតាម CAS បាននិយាយថា តេឡេស្កុប ត្រូវគេស្គាល់ថាជា តេឡេស្កុបស្ទង់មតិ Mozi នឹងពង្រឹងសមត្ថភាព របស់ប្រទេសចិនយ៉ាងខ្លាំងក្នុងការស្រាវជ្រាវតារាសាស្ត្រតាមពេលវេលា ។ Mozi គឺជាទស្សនវិទូជនជាតិចិនបុរាណ ត្រូវបានគេនិយាយថា ជាអ្នកដំបូងគេក្នុងប្រវត្តិសាស្ត្រ ដែលធ្វើការពិសោធន៍អុបទិក ។
តេឡេស្កុបមានទីតាំង នៅលើកំពូលភ្នំ Saiishiteng ក្បែរទីក្រុង Lenghu ក្នុងខេត្ត Haixi Mongol និងទីបេក្នុងខេត្ត Qinghai ។ ទីក្រុងនេះមានភាពល្បី ល្បាញថា ជា “Mars Camp” របស់ប្រទេសចិន ដោយសារតែទេស ភាពវាលខ្សាច់ ដ៏អាក្រក់របស់វាស្រដៀងទៅនឹងផ្ទៃនៃភពក្រហម ។ យោងតាម CASថា WFST មានតេឡេស្កុបអុបទិកមានអង្កត់ផ្ចិត ២.៥ ម៉ែត្រ និងកាមេរ៉ាទំហំ ៧៦៥ លានភីកសែល បំពាក់វាជាមួយនឹង សមត្ថភាពស្ទាបស្ទង់ខ្លាំង ដែលធ្វើឲ្យវាធ្វើការស្ទាប ស្ទង់ផ្ទៃមេឃខាងជើង ទាំងមូលរៀងរាល់បីយប់ ។

Andromeda Galaxy គឺ ជាកាឡាក់ស៊ីវង់ធំ ដែលនៅជិតបំផុត ទៅនឹង Milky Way ហើយមានរចនាសម្ព័ន្ធ និងលោហធាតុ ស្រដៀងគ្នា ដែលធ្វើឲ្យវាក្លាយ ជាវត្ថុស្រាវជ្រាវ ដ៏ល្អសម្រាប់ការរុករកការបង្កើត និងការវិវត្តនៃ Milky Way និងកាឡាក់ស៊ីស្រដៀងគ្នា ៕
ដោយ៖លី ភីលីព