បារាំង ៖ រដ្ឋមន្ត្រីក្រសួងដឹកជញ្ជូន របស់ប្រទេសបារាំង លោក Clement Beaune បានប្រកាស កាលពីថ្ងៃសុក្រថា រដ្ឋាភិបាលបារាំង គ្រោងនឹងដោះស្រាយបញ្ហា នៃសត្វល្អិត ដែលរំខានដល់ការដឹកជញ្ជូន សាធារណៈ នៅសប្តាហ៍ក្រោយ ជាពិសេសនោះ វានឹងក្លាយជាបញ្ហាធំបំផុត ក្នុងព្រឹត្តិការណ៍កីឡា អូឡាំពិក នៅទីក្រុងប៉ារីស យោងតាមការចេញ ផ្សាយពីគេហទំព័រ RT ។
សេចក្តីថ្លែងការណ៍ មួយ បានបង្ហោះនៅលើ X (អតីត Twitter) លោក Beaune បានមានប្រសាសន៍ថា លោកនឹងកោះប្រជុំវិសាមញ្ញ ជាមួយប្រតិបត្តិករដឹកជញ្ជូន ដើម្បីផ្តល់ព័ត៌មាន អំពីសកម្មភាពដែលបានធ្វើរួចហើយ និងដើម្បីចាត់វិធានការ បន្ថែមទៀត ដើម្បីបម្រើអ្នកដំណើរក៏ដូចជាធានា និងការពារសាធារណៈជន ។
ការប្រកាស នៃកិច្ចប្រជុំវិសាមញ្ញនេះ ធ្វើឡើងបន្ទាប់ពីសាលាក្រុងប៉ារីស បានដាក់ពាក្យបណ្តឹងជាផ្លូវការ ជាមួយរដ្ឋាភិបាលបារាំង ដោយជំរុញ ឲ្យវាធ្វើសកម្មភាពប្រឆាំងនឹងសត្វល្អិត ដែលកំពុងរំខានដល់ការដឹកជញ្ជូន សាធារណៈ ទីកន្លែង និងផ្ទះលំនៅដ្ឋានដូចគ្នា។ អាជ្ញាធរប្រតិបត្តិ របស់ទីក្រុងបានអំពាវនាវឲ្យ មានការបង្កើតក្រុមការងារជាតិពិសេសមួយដើម្បីកម្ចាត់អ្វីដែលវាហៅថា “ការបៀតបៀន” នៃសត្វល្អិតបឺតឈាម ។
អភិបាលរងទីមួយ នៃក្រុងប៉ារីស លោក Emmanuel Gregoire បានថ្លែងដោយលើកហេតុផលថា នេះពិតជាគ្រោះអាសន្នជាតិ វាជាប្រធានបទ ដែលកើតមាននៅគ្រប់ ទីកន្លែង ទទួលបានសាធារណជន វាមានសារសំខាន់ ជាពិសេស ក្នុងការដោះស្រាយបញ្ហា សត្វល្អិតនៅមុនព្រឹត្តិការណ៍អូឡាំពិក ទីក្រុងប៉ារីសឆ្នាំ ២០២៤ ។
សត្វល្អិត គឺជាបញ្ហាសុខភាពសាធារណៈ ហើយត្រូវតែរាយការណ៍ដូចនេះ។ រដ្ឋាភិបាលត្រូវតែប្រមូលផ្តុំអ្នកពាក់ព័ន្ធទាំងអស់ជាបន្ទាន់ ដើម្បីដាក់ពង្រាយផែនការ សកម្មភាពដ៏ទូលំទូលាយមួយ ដើម្បីទប់ទល់នឹងគ្រោះមហន្តរាយនេះ ខណលប្រទេសបារាំង ទាំងមូលរៀបចំធ្វើជាម្ចាស់ផ្ទះ កីឡាអូឡាំពិក និងប៉ារ៉ាឡាំពិកនៅឆ្នាំ ២០២៤ ៕
ដោយ៖លី ភីលីព
