ប៉េរូ ៖ យោងតាមការចេញផ្សាយ ពីគេហទំព័រ Sputnik បានប្រាប់ឲ្យដឹងថា សាកសពម៉ាំមី “Juanita” របស់ប្រទេសប៉េរូ ត្រូវបានរកឃើញដំបូង ដោយអ្នកវិទ្យាសាស្ត្រអាមេរិក Johan Reinhard កាលឆ្នាំ១៩៩៥ នៅរយៈកម្ពស់ជាង ៦០០០ម៉ែត្រនៅលើភ្នំភ្លើង Ampato ហើយបានធ្វើឲ្យអ្នកវិទ្យាសាស្ត្រ ចាប់អារម្មណ៍ជាយូរមកហើយ ។
ដើមទ្រូងផលិតពីស៊ីលីកូន របស់ក្មេងស្រីសម័យកាល Inca វ័យជំទង់ម្នាក់ ត្រូវគេស្គាល់ថា “Juanita” ជាសាកសពម៉ាំមី ដ៏ល្បីល្បាញបំផុត របស់ប្រទេសប៉េរូ ថ្មីៗនេះត្រូវបានបង្ហាញក្នុងពិធីមួយ នៅសារមន្ទីរ Andean Sanctuaries នៃសាកលវិទ្យាល័យកាតូលិក Santa Maria ក្នុងទីក្រុង Arequipa ។
ក្រុមការងារអាចដោះស្រាយអាថ៌កំបាំងនៃមុខរបស់នាង Juanita តាមរយៈការសហការរបស់អ្នកវិទ្យាសាស្ត្រប៉ូឡូញ និងប៉េរូ រួមជាមួយជាងចម្លាក់ជនជាតិ ស៊ុយអែត Oscar Nilsson ដែលបានលះបង់ប្រហែល ៤០០ម៉ោងចំពោះកិច្ចការ ដ៏លំបាកក្នុងការផលិត រូបចម្លាក់ដ៏រស់រវើក ។
លោក Johan Reinhard អ្នកជំនាញខាងផ្នែកនរវិទ្យាជនជាតិ អាមេរិកបានរកឃើញ សាកសពម៉ាំមីត្រូវបាន គេស្គាល់ជាម៉ាំមីបាននិយាយថា ខ្ញុំគិតថាខ្ញុំមិនដែលដឹងថាមុខ របស់នាងមើលទៅដូចអ្វីនៅពេលនាងនៅមានជីវិតទាំង “Juanita” និង “Inca Ice Maiden” ។
ការស្ថាបនាឡើងវិញ បានចាប់ផ្តើមជាមួយនឹងការ ទទួលបានវត្ថុចម្លង នៃលលាដ៍ ក្បាលរបស់ Juanita អមដោយការស្កែនរាងកាយ ការសិក្សា DNA និងការវិភាគលើលក្ខណៈជនជាតិ ភាគតិច អាយុ និងសម្បុរ។ ការសិក្សាផ្នែកនរវិទ្យា បានបង្ហាញថា នាង Juanita ត្រូវបានបូជានៅចន្លោះឆ្នាំ ១៤៤០ និង ១៤៥០គ.ស នៅពេលនាងមានអាយុចន្លោះពី ១៣ ទៅ ១៥ ឆ្នាំ ។
នាង Juanita ត្រូវបានគេនិយាយថាបានឈរនៅកម្ពស់ ១.៤០ ម៉ែត្រ ទម្ងន់ ៣៥ គីឡូក្រាម និងមានសុខភាពល្អ។ ការស្គេន CT បង្ហាញថា មូលហេតុនៃការស្លាប់របស់នាង គឺការប៉ះទង្គិចយ៉ាងធ្ងន់ធ្ងរនៅ ត្រង់ទង់ត្រចៀកជិតកញ្ចឹងកខាងស្តាំ៕
ដោយ៖លី ភីលីព
