អាមេរិក ៖ អ្នកផ្តល់ព័ត៌មានយោធាម្នាក់បាននិយាយថា រដ្ឋាភិបាលសហរដ្ឋអាមេរិក បានយកសាកសពមនុស្សភពក្រៅ យ៉ាងហោចណាស់ ១០ នាក់ពីការធ្លាក់យន្ត UFO បន្ទាប់ពីរដ្ឋាភិបាលបានប្រទះឃើញ សាកសពទំាំងនេះ យោងតាមការចេញផ្សាយ ពីគេហទំព័រ Sputnik ។
ថ្លែងនៅលើផតឃែស្ថ Joe Rogan Experience លោក David Charles Grusch បាននិយាយថា ចំនួននៃការគាំងដែលបានកត់ត្រា គឺ២ ខ្ទង់ ហើយថា ចំនួនសាកសពក្រៅភព ដែលបានរកឃើញនៅទីនោះផងដែរ ។ អតីតមន្ត្រីចារកម្មអាមេរិក លោក Grusch បានធ្វើឲ្យពិភពលោកភ្ញាក់ ផ្អើលកាលពីដើមឆ្នាំនេះ នៅពេលចោទប្រកាន់រដ្ឋាភិបាលថា មានភស្តុតាងនៃយន្តមនុស្សក្រៅភពនៅដដែល និងដោយផ្នែក ។
វិវរណៈនេះបាននាំទៅដល់សវនាការ ពិសេសមួយរបស់សភាស្តីពីបាតុភូតអនាមិក ដែលមិនស្គាល់អត្តសញ្ញាណ (UAP ជាអតីត UFOs) ដែលលោក Grusch និងសាក្សី ២ នាក់ផ្សេងទៀតបានផ្តល់សក្ខីកម្ម។ ក្រោមការស្បថ លោកបានលើកឡើងវិញ នូវការអះអាង របស់លោកដោយបន្ថែមថា មនុស្សត្រូវបានរងគ្រោះ ក្នុងការប៉ុនប៉ងបិទបាំងព័ត៌មាន ។
ថ្លែងទៅកាន់ម្ចាស់កម្មវិធីផត ឃែស្ថដ៏ចម្រូងចម្រាស លោក Rogan នៅដើមសប្តាហ៍នេះ លោក Grusch បានចំណាយពេលជាង២ ម៉ោងកន្លះ ដើម្បីពិភាក្សាអំពីការទាមទារ និងបទពិសោធន៍របស់លោកជាមួយ UAP ។ នៅពេលសួរថា តើអង្គធាតុជីវសាស្រ្ត ប៉ុន្មានត្រូវបានរកឃើញ លោកបាននិយាយថា ភាពចម្រុះ ហើយយើងមានរបស់ផ្សេងៗគ្នាមួយចំនួន ។
លោក Grusch បានបន្តបញ្ជាក់ថា សមាជិកព្រឹទ្ធសភាបាននិយាយថា រដ្ឋាភិបាលមានសម្ភារៈ UAP ហើយថាវាមិនមែនជាមនុស្សទេ ប៉ុន្តែមិនដឹងថា តើលោក Reid បានឃើញវាផ្ទាល់ឬអត់នោះទេ។ នៅពេលត្រូវបានសួរពីអ្វីដែលលោកអាចធ្វើបាន និងមិនអាចចែករម្លែកជាសាធារណៈ។
លោក Grusch បានបន្តថា សេវាស៊ើបការណ៍សម្ងាត់បរទេស កំពុងមើល ហើយវាមិនដូចជាខ្ញុំនៅទីនេះដើម្បីជួយរុស្ស៊ី និងចិនធ្វើការគណនាការ ប្រមូលព័ត៌មានសម្ងាត់របស់ពួកគេនោះទេ ៕
ដោយ៖លី ភីលីព
