អាមេរិក ៖ សារព័ត៌មាន Daily Mail បានរាយការណ៍កាលពីថ្ងៃអង្គារ ដោយដកស្រង់ប្រភព អនាមិកចំនួន៣ បាននិយាយថា អ្នកស៊ើបការណ៍ជនជាតិ អាមេរិកបានរកឃើញ យានជំនិះរបស់មនុស្ស ក្រៅភពយ៉ាងតិចចំនួន ៩ គ្រឿងដែលមាន សក្តានុពលពីភពក្រៅ យោងតាមការចេញផ្សាយពីគេហទំព័រ RTប ។
ប្រភពដែលសន្មត់ថា បានសង្ខេបអំពីប្រតិបត្តិការ សម្ងាត់កំពូល បានប្រាប់ហាង UK ថា អ្នកលេងសំខាន់ក្នុងការទាញយកមកវិញគឺ Office of Global Access (OGA) ជាសាខានៃនាយកដ្ឋានវិទ្យាសាស្ត្រ និងបច្ចេកវិទ្យា CIA បានបង្កើតឡើងកាលឆ្នាំ ២០០៣ ។
យ៉ាងហោចណាស់ មានយានជំនិះ ៩គ្រឿង ហើយប្រភពមួយក្នុងចំណោមប្រភពបាននិយាយថា មានកាលៈទេសៈខុសៗគ្នា និងវាទាក់ទងនឹងស្ថានភាព រាងកាយដែលពួកគេមាន ប្រសិនបើវាធ្លាក់ វាមានការខូចខាតជាច្រើន ។
ប្រភពបានបន្ថែមថា CIA មានប្រព័ន្ធមួយ ដើម្បីស្វែងរកវត្ថុហោះ ដែលមិនស្គាល់អត្តសញ្ញាណ (UFO) ខណៈពួកគេនៅតែបិទបាំង និងជួយអង្គភាពយោធា ពិសេសរបស់សហរដ្ឋអាមេរិក ជួយសង្គ្រោះបំណែក នៃបំណែកប្រសិនបើ យានមនុស្សក្រៅភពចុះចត ធ្លាក់ ឬត្រូវបានទម្លាក់ ។
ប្រភពអនាមិកមួយផ្សេង ទៀត បានពណ៌នាអំពីតួនាទី របស់ OGA ថា ជាមូលដ្ឋានជាអ្នកសម្របសម្រួល សម្រាប់ប្រតិបត្តិការ របស់សហរដ្ឋអាមេរិក ក្នុងការចូលទៅកាន់តំបន់ ដែលជាធម្មតា ពួកគេមិន ត្រូវបានអនុញ្ញាត ។ ប្រភពទី ២ បាននិយាយថា ពួកគេឆ្លាតណាស់អាច ទៅគ្រប់ទីកន្លែងក្នុងពិភពលោក ដែលពួកគេចង់ទៅ ។
យោងទៅតាម Mail បាននិយាយថា ប្រតិបត្តិការរបស់ OGA ភាគច្រើនពាក់ព័ន្ធនឹងអាវុធនុយក្លេអែរ ផ្កាយរណបបាញ់ទម្លាក់ ឬបច្ចេកវិជ្ជារបស់សត្រូវ ប៉ុន្តែបេសកកម្មមួយចំនួន បានពាក់ព័ន្ធនឹងការទាញយក UFOs ឬដូចដែលរដ្ឋាភិបាលសហរដ្ឋអាមេរិកឥឡូវនេះចង់ហៅពួកគេថា បាតុភូតមិនប្រក្រតី ដែលមិនស្គាល់អត្តសញ្ញាណ (UAP )៕
ដោយ៖លី ភីលីព
