អង់គ្លេស ៖ នេះបើតាមរដ្ឋមន្ត្រីក្រសួងការបទេស នៅការិយាល័យការបរទេស ចក្រភពអង់គ្លេស បានអះអាងថា អ្នកស៊ើបការណ៍រុស្ស៊ី បានដំណើរការយុទ្ធនាការជ្រៀតជ្រែក តាមអ៊ីនធើណេត លើអ្នកនយោបាយអង់គ្លេស មន្ត្រីរាជការ និងអ្នកកាសែតអស់រយៈពេលជិតមួយទសវត្សរ៍មកហើយ ដោយលោក Leo Docherty មិនបានផ្តល់ភស្តុតាងទេ ខណៈទីក្រុងម៉ូស្គូបានបដិសេធការចោទប្រកាន់ ស្រដៀងគ្នាកាលពីអតីតកាល យោងតាមការចេញផ្សាយពីគេហទំព័រ RT ។
សុន្ទរកថា ទៅកាន់សភាកាលពីថ្ងៃព្រហស្បតិ៍ លោក Docherty បានអះអាងថា ពួក Hacker មួយក្រុម មានទំនាក់ទំនងជាមួយសេវាសន្តិសុខសហព័ន្ធ (FSB) របស់រុស្ស៊ី បានលេចធ្លាយ និងពង្រីកព័ត៌មានជាជម្រើសតាំង ពីឆ្នាំ ២០២៥ ។ ពួក Hacker ទទួលបានព័ត៌មាននេះ ដោយការក្លែងបន្លំ ទំនាក់ទំនងរបស់ពួកគេ ។ លោកបានចោទប្រកាន់ថា កំណត់គោលដៅ និងផ្ញើតំណព្យាបាទឲ្យពួកគេតាមអ៊ីម៉ែល ។
លោក Docherty បានបន្តថា ជនជាតិរុស្សី ២ នាក់ ត្រូវបានសន្មត់ថា ទទួលខុសត្រូវចំពោះការលួចចូល និងការចេញផ្សាយឯកសារ ពីវិទ្យាស្ថានសម្រាប់រដ្ឋយាន (Institute for Statecraft) ជាក្រុមអ្នកគិតដែលភ្ជាប់ទៅនឹងការស៊ើបការណ៍សម្ងាត់របស់អង់គ្លេស ត្រូវបានជាប់ពាក់ព័ន្ធជាមួយ FSB ហើយនឹងត្រូវបាន ដាក់ទណ្ឌកម្មជាការឆ្លើយតប ។ លោកបានបន្ថែមថា ឯកអគ្គរដ្ឋទូតរុស្ស៊ីប្រចាំនៅចក្រភពអង់គ្លេស ត្រូវបានកោះហៅ ឲ្យទទួលបានព័ត៌មានពីការដាក់ទណ្ឌកម្ម ។
ការលួចចូលឆ្នាំ ២០១៨ បានបង្ហាញថា រដ្ឋាភិបាលអង់គ្លេសបានផ្តល់មូលនិធិ ដល់បណ្តាញនៃអ្នកមានឥទ្ធិពលគាំទ្រ លោកខាងលិចនៅទូទាំងទ្វីបអឺរ៉ុប ដំណើរការយុទ្ធនាការ លាបពណ៌ ក្នុងស្រុកប្រឆាំងនឹងមេដឹកនាំគណបក្សការងារ នៅពេលនោះលោក Jeremy Corbyn និងបានជ្រៀតជ្រែក ក្នុងការបោះឆ្នោត នៅតំបន់បាល់កង់ ក្នុងចំណោមសកម្មភាពផ្សេងទៀត។
នៅពេលនោះ ក្រុមមួយមានទំនាក់ទំនងជាមួយក្រុម Hacktivist ‘អនាមិក’ បានអះអាងទទួលខុសត្រូវចំពោះការបំពាននេះ។ ទីភ្នាក់ងារឧក្រិដ្ឋកម្មជាតិ របស់ចក្រភពអង់គ្លេស បានស៊ើបអង្កេតការលួចចូលនេះ ហើយរកមិនឃើញភស្តុតាង កោសល្យវិច្ច័យនៃការ ជាប់ពាក់ព័ន្ធរបស់រុស្ស៊ីទេ ។
សុន្ទរកថារបស់លោក កាលពីថ្ងៃព្រហស្បតិ៍ លោក Docherty ក៏បានចោទប្រកាន់អង្គភាពចំនួន២នៅ FSB ពីការលួចស្តាប់ការសន្ទនា ឯកជនរបស់អ្នក នយោបាយមក ពីគណបក្សការងារ និងអភិរក្សចាប់តាំងពីឆ្នាំ ២០១៥ ហើយការចេញផ្សាយ ព័ត៌មានលម្អិត នៃការចរចាពាណិជ្ជកម្ម រវាងចក្រភពអង់គ្លេស និងសហរដ្ឋអាមេរិក នៅមុនការបោះឆ្នោតសកលឆ្នាំ ២០១៩ ៕
ដោយ៖លី ភីលីព
