ជប៉ុន ៖ យោងតាមការចេញផ្សាយពីគេហទំព័រ Sputnik បានប្រាប់ឲ្យដឹងថា ការរកឃើញរបស់គ្រោងឆ្អឹង ចសមុទ្រប៉ាស៊ីហ្វិកនាគខៀវ Megapterygius wakayamaensis ជាប្រភេទសត្វដាណូស័រ Mosasaur មានប្រវែង ៦ ម៉ែត្រ តែមួយគត់ពី ៧២ លានឆ្នាំមុន ប្រឈមនឹងការយល់ដឹង របស់អ្នកជំនាញ ខាងបុរាណវិទ្យា ជាមួយនឹងកាយវិភាគសាស្ត្រ ជាក់លាក់របស់វា ។
នាគពណ៌ខៀវ Wakayama’ នេះ មិនដូចសត្វសមុទ្រ ទំនើបណាមួយទេ វាមានអវយវៈរាងដូចកប៉ាលមានកន្ទុយដ៏រឹងមាំ និងព្រុយដ៏មានសក្តានុពល ដែលកំណត់ឡើងវិញ នូវចំណេះដឹងរបស់អ្នកជំនាញ ខាងបុរាណវិទ្យាអំពីទីតាំងសត្វល្មូនសមុទ្រ ។
កាលឆ្នាំ ២០០៦ លោក Akihiro Misaki អ្នកជំនាញខាងបុរាណវិទ្យានៃសារមន្ទីរ Kitakyushu នៃប្រវត្តិសាស្រ្តធម្មជាតិ និងប្រវត្តិសាស្រ្ត មនុស្សជាតិ បានបង្កើតការ រកឃើញដ៏អស្ចារ្យមួយ នៅជិតទន្លេ Aridagawa ក្នុងទីក្រុង Wakayama ប្រទេសជប៉ុន។ លោកបានរកឃើញគ្រោងឆ្អឹង សត្វដាយណូស័រ សមុទ្រសម័យបុរេប្រវត្តិ ដែលស្ទើរតែនៅដដែល ជាការរកឃើញដែលចំណាយពេលកន្លះទសវត្សរ៍ ដើម្បីជីកយកចំណេះដឹងទាំងស្រុង និងធ្វើបដិវត្តន៍អំពីជីវិត សត្វសមុទ្របុរាណ ។
ត្រូវបានរកឃើញពីជម្រៅនៃប្រវត្តិសាស្ត្រ Megapterygius wakayamaensis ជាមូសាស័រប្រវែង៦ម៉ែត្រវែងដូចឡានក្រុងបានរស់នៅជាង ៧២ លានឆ្នាំមុន។ ការពិពណ៌នាជាផ្លូវការ នៃប្រភេទសត្វចៃសមុទ្រ ដែលដកដង្ហើមតាមខ្យល់នេះ បានបង្កើតជាល្បែងផ្គុំរូបថ្មីមួយសម្រាប់អ្នកបុរាណវិទ្យា។ លោក Takuya Konishi អ្នកជំនាញខាងបុរាណវិទ្យាមកពីសាកលវិទ្យាល័យ Cincinnati បានពន្យល់ពីបញ្ហាប្រឈម ក្នុងការយល់ដឹងអំពីចលនា និងយុទ្ធសាស្ត្របរបាញ់របស់សត្វ ។
លោក Konishi បានប្រាប់ប្រភពព័ត៌មានថា យើងខ្វះអាណាឡូកទំនើបណាមួយ ដែលមានរូបរាងកាយប្រភេទនេះ ពីត្រីទៅសត្វភេនឃ្វីន រហូតដល់អណ្តើកសមុទ្រ ។ ថ្វីត្បិតតែមានឈាមក្តៅក៏ដោយ Megapterygius មិនមែនជាថនិកសត្វ ឬក្រពើឡើយ បើទោះបីជាក្បាល របស់វាស្រដៀងនឹងក្រពើក៏ដោយ។ លក្ខណៈពិសេសដ៏ទាក់ទាញបំផុតរបស់វារួមមាន កែវភ្នែក២ ដៃជើងមានរាងជាបន្ទះធំ កន្ទុយដ៏រឹងមាំ និងអាចជាព្រុយខាងក្រោយ ។
ការបញ្ចូលគ្នានៃគុណលក្ខណៈនេះគឺប្លែកពីគេ ដែលអ្នកវិទ្យាសាស្ត្រនៅក្នុងប្រទេសជប៉ុន បានដាក់ឈ្មោះវាថា “នាគខៀវ” Wakayama ជាសត្វទេវកថាមកពីរឿងព្រេងជប៉ុន។ Mosasaurs គឺជាសត្វមំសាសីកំពូលនៃមហាសមុទ្រប្រហែល ២០ លានឆ្នាំ។ ពួកវាជាសត្វដែលគួរឲ្យខ្លាច លាតសន្ធឹងដល់ទៅ ១៧ ម៉ែត្រ ជាមួយនឹងថ្គាមដ៏មានអានុភាព និងធ្មេញមុតស្រួចអាចចាប់សត្វសមុទ្រ ជាច្រើនប្រភេទ រួមទាំងប្រភេទរបស់វាផងដែរ ៕
ដោយ៖លីភីលី ព
