រុស្សី ៖ ប្រព័ន្ធផ្សព្វផ្សាយក្នុងស្រុក បានរាយការណ៍ កាលពីថ្ងៃអាទិត្យថា Ethio-Engineering Group (EEG) និងក្រុមហ៊ុនផលិតរថយន្តរុស្ស៊ី Avtovaz បានចុះហត្ថលេខាលើកិច្ចព្រមព្រៀង មួយដើម្បីផលិតរថយន្ត Lada របស់រុស្ស៊ីនៅក្នុងប្រទេសអេត្យូពី យោងតាមការចេញផ្សាយពីគេហទំព័រ RT ។
យោងតាមរបាយការណ៍ថា កិច្ចព្រមព្រៀងនេះត្រូវបានចុះហត្ថលេខាដោយនាយកប្រតិបត្តិ EEG លោក Suleiman Dedefo និងប្រធានក្រុមហ៊ុន Avtovaz Export លោក Ilya Savinov ។ ព័ត៌មានលម្អិតនៃកិច្ចព្រមព្រៀង រួមទាំងពេលវេលារំពឹងទុក សម្រាប់ការចាប់ផ្តើមផលិតកម្ម មិនទាន់ត្រូវបានផ្សព្វផ្សាយ ជាសាធារណៈនៅឡើយទេ ។
សុន្ទរកថា របស់លោកក្នុងពិធីនេះ លោក Savinov បាននិយាយថា ក្រុមហ៊ុនរុស្ស៊ី ជាច្រើនចាប់អារម្មណ៍ក្នុងការវិនិយោគ នៅក្នុងប្រទេសអេត្យូពី។ សម្រាប់ផ្នែក របស់លោក Dedefo បានអញ្ជើញសហគ្រិនរុស្ស៊ី ឲ្យមកបណ្តាក់ទុន នៅក្នុងប្រទេស ហើយធានាពួកគេថា រដ្ឋាភិបាលនឹងផ្តល់ការ គាំទ្រចាំបាច់សម្រាប់គម្រោងឆ្លងដែន ។
ផែនការបើកខ្សែសង្វាក់ផលិតកម្ម ដើម្បីដំឡើងរថយន្ត Lada នៅក្នុង ប្រទេសអេត្យូពី ត្រូវបានប្រកាសជា សាធារណៈលើកដំបូងដោយ ឯកអគ្គរដ្ឋទូតរបស់ប្រទេសប្រចាំ នៅប្រទេសរុស្ស៊ី លោក Cham Ugala Uriat កាលខែកញ្ញាឆ្នាំនេះ។ អ្នកការទូតបាននិយាយនៅពេលនោះថា រថយន្តទាំងនោះនឹងត្រូវបាន ផលិតជាចម្បងសម្រាប់ទីផ្សារអាហ្វ្រិក ហើយបានកត់សម្គាល់ថា យ៉ាងហោចណាស់មានក្រុមហ៊ុន ផលិតរថយន្តរុស្ស៊ីពីរផ្សេងទៀត កំពុងបង្ហាញចំណាប់អារម្មណ៍ ក្នុងការបង្កើតខ្សែដំឡើង ដោយខ្លួនឯងនៅ ប្រទេសអេត្យូពី ។
ក្រុមហ៊ុន Avtovaz មានរថយន្តប្រភេទ SUV ជាច្រើនប្រភេទសមរម្យសម្រាប់ទីផ្សារអាហ្រ្វិក កាលពីដើមឆ្នាំនេះ នាយកប្រតិបត្តិរបស់ក្រុមហ៊ុនផលិតរថយន្ត Maxim Sokolov បាននិយាយថា វាអាចអភិវឌ្ឍការកែប្រែ ពិសេសសម្រាប់រថយន្តរបស់ខ្លួន ដើម្បីឲ្យសមនឹងអ្នកទិញអាហ្វ្រិក រួមទាំងរថយន្ត Lada Niva ផ្នែកខាងស្តាំផងដែរ ។
លោក Sokolov ក៏បានកត់សម្គាល់ផងដែរ ថា ក្រុមហ៊ុន Avtovaz កំពុងពិភាក្សាដើម្បីផ្គត់ផ្គង់រថយន្តរបស់ខ្លួនទៅកាន់ទីផ្សារក្រៅប្រទេសផ្សេងទៀត រួមមាន UAE អូម៉ង់ និងវៀតណាម ៕
ដោយ៖លី ភីលីព
