វ៉ាស៊ីនតោន៖ យោងតាមការចេញផ្សាយពីគេហទំព័រ CNN បានប្រាប់ឲ្យដឹងថា អស់រយៈពេលជាច្រើនឆ្នាំ Pornhub បានបង្ហោះវីដេអូមនុស្ស ពេញវ័យដែលបង្ហាញពីស្ត្រីត្រូវបានបង្ខិតបង្ខំឲ្យធ្វើសកម្មភាពផ្លូវភេទ នៅលើកាមេរ៉ាដោយ ក្រុមហ៊ុនផលិតកម្មមួយ ម្ចាស់គេហទំព័រ បានទទួលស្គាល់ក្នុងកិច្ចព្រមព្រៀងជាមួយរដ្ឋអាជ្ញា សហព័ន្ធក្នុងសប្តាហ៍នេះ ។
Aylo ជាក្រុមហ៊ុនមេរបស់ Pornhub នឹងបង់ប្រាក់ពិន័យ ចំនួន ១.៨ លានដុល្លារ និងផ្តល់សំណងដល់ជនរងគ្រោះ ពីការជួញដូរផ្លូវភេទ ដែលជាផ្នែកនៃកិច្ចព្រមព្រៀងកាត់ទោសបានពន្យារពេល។ ក្រុមហ៊ុនបានសារភាពថា គ្មានកំហុសចំពោះការចោទប្រកាន់ របស់រដ្ឋាភិបាលក្នុងការ ធ្វើប្រតិបត្តិការរូបិយវត្ថុខុសច្បាប់ ពាក់ព័ន្ធនឹងដំណើរការជួញដូរផ្លូវភេទ ទោះបីជាខ្លួន ទទួលស្គាល់ថា សម្ភារៈខុសច្បាប់ត្រូវបានបង្ហោះ នៅលើគេហទំព័ររបស់ខ្លួន និងបាននិយាយថា វាសោកស្តាយចំពោះការពិតនោះ ។
រដ្ឋាភិបាលមិនបានចោទប្រកាន់ Aylo ខ្លួនឯងពីបទបំពានច្បាប់ជួញដូរផ្លូវភេទរបស់សហព័ន្ធណាមួយឡើយ ប៉ុន្តែបាននិយាយថា ក្រុមហ៊ុនគួរតែដឹងថាខ្លួនកំពុងធ្វើជំនួញជាមួយក្រុមដែលចូលរួមក្នុងការជួញដូរផ្លូវភេទ។ ជាផ្នែកមួយនៃកិច្ចព្រមព្រៀងរបស់ខ្លួន Aylo ក៏នឹងត្រូវស្ថិតក្រោមការត្រួតពិនិត្យរយៈពេល ៣ឆ្នាំ ហើយការចោទប្រកាន់ប្រឆាំងនឹងក្រុមហ៊ុននឹងត្រូវបានទម្លាក់ប្រសិនបើវាអនុលោមតាមកិច្ចព្រមព្រៀងរបស់ខ្លួន។
នេះបើយោងតាមការយល់ព្រមរបស់ Aylo និងឯកសារ តុលាការថា ចាប់ពីឆ្នាំ ២០១៧ ដល់ឆ្នាំ២០១៩ ក្រុមហ៊ុនផលិតកម្មមួយ បានបង់ប្រាក់ឲ្យ Aylo ដើម្បីចាក់ផ្សាយរឿង អាសអាភាសរបស់ខ្លួន ដែល Aylo ស្គាល់រួមមានវីដេអូ ដែលបង្ហាញពីស្ត្រីមិនបានផ្តល់ការ យល់ព្រមរបស់ពួកគេសម្រាប់មាតិកាត្រូវបង្ហោះតាមអ៊ីនធើណេត ។ កាលឆ្នាំ ២០១៦ Aylo បានចាប់ផ្តើមទទួលសំណើរលុបចេញពីស្ត្រីបានបង្ហាញខ្លួនក្នុងវីដេអូដោយប្រាប់ Aylo ថា ពួកគេត្រូវបានគេកុហក។ ហើយ Aylo បានដឹងពីបណ្តឹងសហព័ន្ធប្រឆាំងនឹងក្រុមហ៊ុនផលិតកម្មកាលឆ្នាំ ២០១៧ ឯកសាររបស់តុលាការបានបង្ហាញ។
ព្រះរាជអាជ្ញាបាន និយាយថា ប៉ុន្តែ Aylo មិនបានធ្វើតាមសំណើ ពលុបចេញទាំងអស់នោះទេ ហើយក៏មិនបានព្យាយាម ផ្ទៀងផ្ទាត់ ដោយឯករាជ្យថា ស្ត្រីទាំងនោះយល់ព្រមឲ្យវីដេអូនេះបង្ហាញនៅលើអ៊ីនធើណេតដែរ សូម្បីតែបន្ទាប់ពី Aylo បានយកវីដេអូរបស់ក្រុម ហ៊ុនផលិតកម្មចេញពី Pornhub កាលឆ្នាំ ២០១៩ ក៏ដោយ ក៏វីដេអូដូចគ្នាមួយចំនួន ត្រូវបានបង្ហោះឡើងវិញ ដោយអ្នកប្រើប្រាស់ផ្សេងទៀត ហើនៅតែនៅលើអ៊ីនធើណេត ៕
ដោយ៖លី ភីលីព
