ស៊ីដនី៖ ការសិក្សាមួយរបស់សាកលវិទ្យាល័យជាតិអូស្ត្រាលីបានចេញផ្សាយបានអះអាងថា កម្ដៅកំណត់ត្រាបានជះឥទ្ធិពលយ៉ាងខ្លាំងដល់វដ្តទឹកពិភពលោកកាលឆ្នាំ ២០២៣ រួមចំណែកដល់ព្យុះធ្ងន់ធ្ងរ ទឹកជំនន់ និងគ្រោះរាំងស្ងួត ហើយការកើនឡើងនៃសីតុណ្ហភាពសមុទ្រ និងខ្យល់បណ្តាលមកពីការដុតឥន្ធនៈហ្វូស៊ីលបានធ្វើឲ្យមានខ្យល់មូសុង ព្យុះស៊ីក្លូន និងប្រព័ន្ធព្យុះផ្សេងទៀត យោងតាមការចេញផ្សាយពីគេហទំព័រ VOA។
យោងតាមការសិក្សានេះ បានឲ្យដឹងថា អាកាសធាតុរបស់ពិភពលោក កាន់តែមានភាពរញ៉េរញ៉ៃ រវាងព្រឹត្តិការណ៍ធ្ងន់ធ្ងរ។ វាបណ្តាលឲ្យមានខ្យល់ព្យុះ និងព្យុះស៊ីក្លូនដ៏ធ្ងន់ធ្ងរបានធ្វើឲ្យទឹកហូរច្រើនជាងមុន ហើយគ្រោះរាំងស្ងួតកាន់តែរីកចម្រើនលឿនជាងមុន។ ការដុតឥន្ធនៈហ្វូស៊ីលត្រូវបានអ្នកនិពន្ធរបាយការណ៍កំណត់ថា ជាអ្នករួមចំណែកធំបំផុតដល់ការឡើងកំដៅផែនដី។
ពួកគេនិយាយថា គ្រោះមហន្តរាយដ៏អាក្រក់បំផុតមួយចំនួននៃឆ្នាំ ២០២៣ ត្រូវបានផ្សារភ្ជាប់ទៅនឹងព្យុះស៊ីក្លូនដ៏ខ្លាំងមិនធម្មតាបាននាំមកនូវភ្លៀងធ្លាក់យ៉ាងច្រើនទៅកាន់ប្រទេសលីប៊ី ម៉ូសំប៊ិក មីយ៉ាន់ម៉ា នូវែលសេឡង់ និងអូស្ត្រាលី។ កង្វះទឹកភ្លៀង និងសីតុណ្ហភាពខ្ពស់បានធ្វើឲ្យភាពរាំងស្ងួតកាន់តែធ្ងន់ធ្ងរនៅអាមេរិកខាងត្បូង ផ្នែកខ្លះនៃទ្វីបអាហ្រ្វិក និងមេឌីទែរ៉ាណេ។
អ្នកដឹកនាំអ្នកស្រាវជ្រាវ Albert Van Dijk សាស្ត្រាចារ្យនៅសាលា Fenner នៃបរិស្ថាន និងសង្គមនៅមហាវិទ្យាល័យវិទ្យាសាស្ត្រនៃសាកលវិទ្យាល័យជាតិអូស្ត្រាលីបានប្រាប់ VOA ថា ការប្រែប្រួលអាកាសធាតុកំពុងជះឥទ្ធិពលយ៉ាងខ្លាំងដល់វដ្តទឹកពិភពលោក។
លោកបានបន្តថា ម្យ៉ាងវិញទៀត យើងមើលឃើញថា ព្យុះភ្លៀង និងបាតុភូតភ្លៀងធ្លាក់ខ្លាំងនាំទឹកច្រើនជាងកាលពីមុនទៅទៀត ដូច្នេះព្យុះស៊ីក្លូនបានទម្លាក់ទឹកកាន់តែច្រើន ហើយចាប់ផ្តើមមានឥរិយាបទខុសប្រក្រតីមួយចំនួនបណ្តាលឲ្យពួកគេថយចុះ បានកើតឡើងនៅប្រទេសអូស្ត្រាលី ប៉ុន្តែក៏នៅកន្លែងផ្សេងទៀត ដោយចាក់ទឹកច្រើននៅកន្លែងតែមួយ និងបណ្តាលឲ្យមានទឹកជំនន់ដ៏ធំ។ ម្យ៉ាងវិញទៀត យើងមើលឃើញថា គ្រោះរាំងស្ងួតមានការវិវត្តកាន់តែលឿន។
ក្រុមស្រាវជ្រាវនៅប្រទេសអូស្ត្រាលីបានប្រើប្រាស់ទិន្នន័យពីស្ថានីយ៍ដី និងផ្កាយរណបរាប់ពាន់ ដើម្បីផ្តល់ព័ត៌មានពេលវេលាជាក់ស្តែងអំពីទឹកភ្លៀង សីតុណ្ហភាពខ្យល់ និងសំណើមនៅក្នុងខ្យល់។ ព្យុះដ៏ខ្លាំងបានបោកបក់លើផ្នែកខ្លះនៃភាគខាងកើតអូស្ត្រាលីក្នុងប៉ុន្មានសប្តាហ៍ថ្មីៗនេះ ខណៈផ្នែកផ្សេងទៀតនៃប្រទេសបានប្រយុទ្ធនឹងភ្លើងឆេះព្រៃ។
នៅប៉ុន្មានថ្ងៃដំបូងនៃរដូវក្តៅ នៅដើមខែធ្នូ រលកកម្ដៅព្រមានតំបន់រងផលប៉ះពាល់នៅគ្រប់រដ្ឋ និងដែនដី ក្រៅពីកោះ Tasmania ។ ការកើនឡើងនៃគ្រោះមហន្តរាយធម្មជាតិក្នុងប្រទេសអូស្ត្រាលីបានធ្វើឲ្យមានការព្រួយបារម្ភក្នុងចំណោមអ្នកនយោបាយ សកម្មជនបរិស្ថាន និងអ្នកវិទ្យាសាស្ត្រអំពីផលប៉ះពាល់នៃការប្រែប្រួលអាកាសធាតុ៕ ដោយ៖លី ភីលីព
