យេរ៉ូសាឡឹម ៖ ក្រសួងហិរញ្ញវត្ថុ អ៊ីស្រាអែលបានឲ្យដឹងថា រដ្ឋាភិបាលអ៊ីស្រាអែល បានអនុម័តកញ្ចប់ថវិកា សម័យសង្រ្គាមកាលពីថ្ងៃចន្ទ សម្រាប់ឆ្នាំ២០២៤ ជាមួយនឹងការកើនឡើង គួរឱ្យកត់សម្គាល់នៅក្នុង ការចំណាយលើ វិស័យការពារជាតិ ។
ថវិកាដើមសម្រាប់ឆ្នាំ២០២៤ ត្រូវបានអនុម័តដោយសភា ក្នុងខែឧសភា ឆ្នាំ២០២៣ ប៉ុន្តែជម្លោះជាមួយ ក្រុមហាម៉ាស ដែលបានចាប់ផ្តើមកាលពីខែតុលាឆ្នាំមុនបានជំរុញឱ្យមានថវិកាថ្មី ដើម្បីគ្របដណ្តប់លើការ ចំណាយខ្ពស់ជាងនេះ។
ថវិកាដែលបានធ្វើបច្ចុប្បន្នភាព ដែលត្រូវការការយល់ព្រមពីសភាត្រូវបានកំណត់ចំនួន ៥៨២ពាន់លានស៊ិគែល (ប្រហែល ១៥៥ពាន់លាន ដុល្លារអាមេរិក) រួមទាំងថវិកាបន្ថែមចំនួន ៥៥ ពាន់លានដុល្លា សម្រាប់ការពារជាតិ ដើម្បីរ៉ាប់រងការ ចំណាយលើការប្រយុទ្ធ និងពង្រឹងកងទ័ព។
ក្រសួងបានឲ្យដឹងថាថវិការបស់ក្រសួងទាំងអស់ ត្រូវបានកាត់បន្ថយ ដោយសារតែការ ចំណាយលើយោធាខ្ពស់ នេះបើយោងតាមការចុះ ផ្សាយរបស់ទីភ្នាក់ងារ សារព័ត៌មានចិនស៊ិនហួ។
ថវិកាសរុបក៏រួមបញ្ចូលផងដែរនូវផែនការផ្តល់ជំនួយចំនួន ៩ ពាន់លានដុល្លា សម្រាប់អ្នកបម្រុងយោធា សន្តិសុខ និងការការពារតំបន់ ការគាំទ្រប្រព័ន្ធសុខភាពផ្លូវចិត្ត និងការស្តារឡើងវិញនូវតំបន់ភាគខាងត្បូងដែលនៅជិតខាង ហ្គាហ្សា។
រដ្ឋមន្ត្រីរួបរួមជាតិ ដែលជាបក្សប្រឆាំងដ៏ធំបំផុត ដែលបានចូលរួមគណៈរដ្ឋមន្ត្រីសង្រ្គាម បន្ទាប់ពីជម្លោះបានចាប់ផ្តើម បានបោះឆ្នោតប្រឆាំងនឹងថវិកា ដោយលើកហេតុផលថា ថវិកាថ្មី “មិនឆ្លុះបញ្ចាំងពីការផ្លាស់ប្តូរ ជាមូលដ្ឋានចាំបាច់ នៃអាទិភាព និងព្រងើយកន្តើយ ចំពោះផលវិបាកធ្ងន់ធ្ងរនៃសង្រ្គាម”។
បក្សពួកបានទាមទារបិទក្រសួង ដែលមិនចាំបាច់ ដោយបង្កកច្បាប់ ដែលអនុញ្ញាតឱ្យរដ្ឋមន្ត្រីលាលែងពីសភា ដើម្បីបន្ថែមសមាជិកសភាថ្មី បង្កកប្រាក់ខែសមាជិកសភា និងកាត់ថវិកា សម្រាប់គណបក្សចម្រុះ៕
ប្រែសម្រួល ឈូក បូរ៉ា
